Қазақстанда Песковтың әйелі Навканың мұздағы шоуына тосқауыл қойылды
АСТАНА. 15 қыркүйек. Қазақстанда РФ президентінің баспасөз хатшысы Дмитрий Песковтың жұбайы Татьяна Навканың мұздағы шоуы өткізілмейтін болды. Бұл туралы The Moscow News дерегіне сүйенген rast.kz хабарлайды.
«Шахеризада махаббатының тарихы» деген атты шоу 23 желтоқсанда «Алматы Арена» мұз сарайы айдынында өтетін болып белгіленген еді.
Алматы қаласының әкімдігі «РИА Новости» тілшісіне шоуға билет сатудың тоқтатылғанын растады. Қала билігі шешімді шараны ұйымдастырушылардың өздері қабылдағандарын, оған муниципалитеттің концерт өткізу мәсеелесіне араласпайтынын жеткізді.
Қазақстанда бұған дейін РФ армиясының Украинаға басып кіруіне қолдау білдірген ресейлік әртістердің концерттері күн тәртібінен алынып тасталған болатын. Кеше, 14 қыркүйекте, мысалы, ұйымдастырушылар «Камызяки» командасының Алматы және Астана қалаларында 5 және 7 қазан күндері өтеді деп белгіленіп қойылған концертін алып тастауға мәжбүр болды. «Камызяки» ұжымы әртістерінің көпшілік алдындағы әрекеттеріне ашу-ыза білдірген қауымның кері байланысқа шығуына орай ұйымдастырушылар командасы топтың Қазақстан бойынша турын толық алып тастау жөнінде шешім қабылдады», – деп жазды сол концертті ұйымдастырушы Ольга Ли.
Бұдан бір апта алдын команданың екі әртісі, сайқымазақтар Азамат Мұсағалиев пен Денис Дорохов Донецк облысының Ресей басып алған бөлігіндегі «Саур-зират» мемориалында болған концертке қатысып қайтқан еді. Арада екі күн өткеннен кейін Қазақстанда «Камызяк» концертінің өтуіне тосқауыл қоюды талап еткен петицияға іске қосылды. Ол тәуліктен асқан шамада 19 мыңға жуық дауыс жинады, бұған қарсы болғандар саны мыңнан сәл ғана асты.
«Азамат Мұсағалиев өзі секілді сайқымазақ Нұрлан Сабуровпен бірге Ресейдің ТНТ федералды арнасында қазақ тілін мазақтаумен қоса, Денис Дороховпен және өзінің командасы «Камызякимен» бірге жақында Донецк облысының басып алынған территориясында өнер көрсетті», – делінген петиция мәтінінде.
Қазақстанда маусым айында ресейлік әнші Григорий Лепстің концерті алынып тасталды. Ол соның алдында Петербургте өткен халықаралық экономикалық форумда украинның Abrams және Leopard танктерінің атып түсірілген әрбірі үшін миллион рубль сыйақы беретінін мәлімдеген еді. Бұдан басқа, Ресейдің басқыншылығын қолдайтын әншілер Лариса Долина мен Полина Гагаринаның жеке концерттеріне, сондай-ақ актер Сергей Глушко («Тарзан») қатысатын бағдарламаға бұғау салынған болатын.
