Times: Назарбаевтың қызы мен күйеу баласының Англияда активтері бар
ЛОНДОН. 3 қыркүйек. Қазақстанның бұрынғы диктаторы Назарбаевтың қызы мен күйеу баласының Англияда өте қымбат тұратын активтері бар екені анықталды. Бұл туралы ҚазТАГ ақпарына сілтеме жасаған rast.kz хабарлайды.
Әлемдегі ең беделді басылымдардың бірі – британиялық The Times газеті арнайы зерттеу жүргізудің нәтижесінде Қазақстанды отыз жылға жуық уақыт армансыз билеген Нұрсұлтан Назарбаевтың қызы Дариға Назарбаева мен күйеу баласы Тимур Құлыбаевтың Англияда қымбат активтері бар екеніне толық көз жеткізді.
«Автократтар балалары арасында Британияда құны 250 млн фунт стерлинг тұратын жылжымайтын мүлікке еге Әзербайжанның билеуші отбасы, Ангола экс-президентінің қамалудан қашып жүрген қызы, бұрынғы қазақ диктаторының күйеу баласы бар», – делінген басылым хабарламасында.
Атап өтілгендей, жаңа заңдар Англия мен Уэльсте жылжымайтын мүліктері бар оффшорлық компаниялардан олардың түпкі (шын) егелерін шетел компаниялары тізімінде нақты атап көрсетуді талап етеді.
«Бұрын мүліктің бұл жағы құпия ұсталатын. Қазір ол құпиялылық алынып тасталды. The Times басылымының шетел компаниялары реестріне жүргізген анализі Қазақстанның бұрынғы президенті Нұрсұлтан Назарбаевтың қызы Дариға Назарбаеваның Лондонда құны 40 млн фунт стерлингтен асып түсетін жылжымады мүлкі бар екенін көрсетті. Бұған «Челси» ауданындағы жалпы құны 31 млн фунт стерлингтен артық екі пәтер және «Хайгейттегі» құны 9,3 млн фунт стерлингті құрайтын үй кіреді. Осы аралықта экс-президенттің күйеу баласы Тимур Құлыбаев жаяу жүріспен «Гайдн-парктен» бірнеше минуттық жерде орналасқан құны 1,5 млн фунт стерлинг болатын ат қораның түпкілікті егесі екені айғақталды», – делінген хабарламада.
Газеттің мәліметі бойынша, Құлыбаев ат қорасын оффшорлық компания арқылы сатып алған екен.
«Британия үкіметінің Қазақстанда жұмыс істеуші кәсіпорындар үшін әзірлеген ресми басшылығында 2010 жылы Назарбаевты «өмірлік ұлт көшбасшысы» еткен өз үкіметі оған өзі қалаған кезінде кез келген заңға вето салып, парламентке шығу құқығын беріп қойғаны атап көрсетілген. Онда тағы: «Заңнамада сондай-ақ бірінші президенттің абыройы мен ар-намысын қорлаған кез келген тұлғаны жазаға тарту қарастырылған. Шамасы, Назарбаевтың саяси аренадағы ықпалы әлі де сақталып қала беретін сияқты», – деген ескерту бар еді.
Сол ықпал шынында қазіргі күндері де мызғымай тұрғаны байқалып қалды. Мұны Президент Қасым-Жомарт Тоқаевтың екі күннен бергі тағайындауларына іліккендер қатарында отыз жылда елде жемқорлардың үлкен армиясын қалыптастырып кеткен бұрынғы мемлекет басшысының төл кадрлары мен руластарының бар екені анық аңғартады.
