Ресей «шағалдары» түні бойы Одессаны атқылаудың астына алды
КИЕВ. 23 шілде. Ресейдің оккупациялық армиясы Одесса қаласының инфрақұрылымдарын түн ішінде атқылауды жалғастырды. Бұл туралы «Украинская правда» мәліметіне rast.kz хабарлайды.
Шілденің 23-не қараған түні РФ «шибөрілерінің» Одессаға жасаған әртүрлі шабуылдарынан қаланың 22 бейбіт тұрғыны зардап шекті, соның ішінде 4 бала бар, тағы қаншама тұрғын үйлер мен нысандар қирап қалды.
Одесса облыстық әскери әкімшілігінің алдын ала мәліметіне сай, 14 адам ауруханаларға жатқызылса, бұлардың 3-і балалар болып отыр.
Оккупанттар Одесса облысына қарудың кемінде бес түрімен шабуыл жасады. Оларды «Калибр», «Оникс», Х-22, «Искандер-К» және баллистикалық «Искандер-М» құрады.
Тәулікте Украина әскерлері 640 басқыншыны жер жастандырып, 7 танк пен 11 дронды атып түсірді.
Осы кезде дейін РФ армиясының 241 330 жауынгері қаза тапты. Бұдан бөлек, 4 140 танк, 8 096 бронды машина, 4 629 артиллерия жүйесі, 3 944 дрон, 7 159 автомобиль мен автоцистерна, 1 298 қанатты ракета, 315 ұшақ, 310 тікұшақ, 639 РСЗО жойылды.
