USD
КИЕВ. 12 шілде. Украина Қарулы күштері Донецк облысындағы Мариупольдің іргесінде РФ басқыншыларына қирата соққы берді. Бұл туралы «Диалог.ua» дерегіне сүйенген rast.kz хабарлайды.
Шамамен үш аптадай бұрын украин қорғаушылары Ресей оккупанттарының Донецк облысындағы Ялта кентінде орналасқан базаларының тас-талқанын шығарды.
Кейінірек Ресейдің курскілік ерлі-зайыпты Роман және Маргарита Кривцовтар есімді волонтерлары Мариуполь түбінде орыс армиясының қырылып қалғанын айтып берді. Оқиға 1 қаңтарға қараған түні орын алған. Украин әскерлерінің базаға берген дәл соққылары салдарынан жүздеген басқыншы жермен-жексен етілген.
Ал бұл жолы украин ракеталары Ялта кентіне дейін жетіп, осындағы мейманхананың ту-талақайын шығарған. Онда тек қана оккупанттар тұрып жатқан. Нәтижесінде «200-ші жүк» өте көп болған. Бірақ Ресей билігі мұны жасырып, сыртқа білдірмей қойған.
«Бұдан үш апта бұрын Мариупольдің іргесінде, терең тылда тұрған екі кенттегі біздің арнайы қызмет жауынгерлері орналасқан базаларға екі реттен ракетадан соққылар жасалды… Соққы нақты да дәл болды, сондықтан біздікілер өте көп қырғынға ұшырады. Алайда бұл жайында жазылған бірде-бір ақпарат көрмедім, әскери тілшілер де жұмған ауыздарын ашпады», – деді Роман Кривцов.
Бұрнағы күні Бахмут түбінде Саха (Якутия) республикасынан келген мыңға жуық қызметкер үш тәуліктің ішінде жуық опат болды. Украина Қарулы күштері Якутиядан келген 83-ші десантты-штурмды бригаданы қоршауға алып, үш күннің ішінде оның құрамының үштен бір бөлігін жойып жіберді. Бұл оқиға Путин қаза тапқандардың отбасы мен туған-туыстарына ұжымдық тұрғыда көңіл айтқаннан кейін белгілі болып қалды.
Бахмут түбіне ұрандатып, кернейлетіп барған «кадыровшылар» көп ұзамай ол жақтан тым-тырақай безіп, қашып шықты.
«Бахмут бағытындағы алдыңғы шепте тас-талқандары шыққаннан кейін «кадыровшылар» ол жерден алды-арттарына қарамай зытты», – деп жазды Украина Қарулы күштерінің майоры Максим Жорин 11 шілде күні.
Луганск облысы әскери әкімшілігінің бұрынғы басшысы Сергий Гайдай Украина армиясының мұнда нақты табыстары бар екенін айтты. Ол РФ-ның элиталы бөлімшелерінің өзі Луганск бағытындағы ұрыс даласынан қашып жатқанын жеткізді. «Бұл жерде қаннен-қаперсіз демалудың өзі қиын. Себебі, айналада оккупанттардың өлігінен аяқ басатын жер жоқ», – деді ол.
