USD
НОВОСІБІР. 2 шілде. Новосібірлік әскерилер отбасыларының мүшелері Путиннен Украинада соғысып жүрген туыстарын артиллериямен қамтамасыз етуді сұрап, үндеу жариялады. Бұл туралы The Moscow News дерегіне сүйенген rast.kz хабарлайды.
Иркутск мен Новосібірден мобилизация арқылы әскерге алынған солдаттардың жақындары РФ қорғаныс министрлігіне үндеумен шығып, майдандағы әскери қызметкерлерге шетел техникасымен тең дәрежеде соғыса алатын ауыр артиллерия беруді өтінді. Видеоүндеу «Люди Байкала» телеграм-каналында жарияланды. Онда соғысқа аттанғандардың аналары мен әйелдері 19 маусымда Кременная ауданында болған шайқаста украиндардың артиллериядан атқылаулары салдарынан мобилизацияланғандардың көптеп қырылғандары жайлы айтады.
Әйелдер ұлдары мен күйеулерінің «шетелдік жаңа үлгідегі техникаларға қарсы соғыста артиллерияның қолдауына ие бола алмай отырғандарын», олардың қолдарында автомат пен гранатадан басқа ештеңе болмағандарын атап өтті.
Үндеуде сондағы 1452-ші полктың негізінен Иркутск және Новосібір облыстарынан шақырылған әскерилерден құралатыны, сондай-ақ басқа өңірлерден келгендердің де бар екені сөз болды. Осы полк Креманная түбінде қатты қырғынға ұшыраған. Бәрі де қарудың кемдігінен болған.
Әскерилердің туыстары президент Владимир Путин мен қорғаныс министрлігінен жағдайға назар аударып, әскерилерге қажетті техника жеткізіп беруді сұрады.
rast.kz: Сонда бұлардың кәллаларына украин жеріндегі мағынасы жоқ соғысты, бекерден-бекер адам өлтіруді тоқтату жөнінде талап қою мәселесінің мүлдем келмегені ме? Шамасы, қанды қырғыннан әупірімдеп аман шыққандары осылай диктаторларынан жалынып-жалбарынып қару-жарақ сұрап алып, одан әрі соғысып жүре бермекші ғой…
