USD
ТБИЛИСИ. 20 маусым. Қазақстан журналисі Жанбота Төлегеннің Сакартвелода (Грузияда) кісі қолынан қаза тапқаны белгілі болып отыр. Бұл туралы «Азаттық» дерегіне сүйенген rast.kz хабарлайды.
Өз әріптесінің осы қапыл қазасы жөніндегі ақпарды журналист Нәзира Дәрімбет әлеуметтік желідегі парақшасында жариялаған. Кейін анықталғанындай, Қазақстан мен Сакартвелоның Ішкі істер министрліктері мұны растаған.
«Жанботаның Грузияда 21 мамырда өлтірілгенін сыныптастары хабарлады. Бұл қалай болғаны? Ол жақта қайдан жүр?» – деп жазды Нәзира Дәрімбет.
Ол Жанбота Төлеген ханыммен бір жоба бойынша істес болғанын, соңғы рет 19 мамырда сөйлескенін, одан кейін байланыс үзілгенін атап көрсеткен.
Сакартвело Ішкі істер министрлігінің Кахетия полициясы 24 мамырда күдіктіні ұстағандарын жеткізген. Деректерге қарағанда, Күдікті Сагареджо муниципалитетінде екеуінің арасында орын алған жанжал кезінде Жанбота Төлегенді қатты затпен ұрып өлтірген. Олар бұрыннан бір-бірлерімен таныс болып шықты.
Қазақстан Ішкі істер министрлігінің ақпаратына қарағанда, журналист картвель еліне кәсіби қызмет бабымен емес, өзінің жеке шаруасымен барған. Сонда тұратын танысына да сол мақсатта жолыққан сияқты.
