USD
АСТАНА. 12 маусым. Мемлекет басшысы Қасым-Жомарт Тоқаевтың өкімімен Аружан Сайын Бала құқықтары жөніндегі уәкіл лауазымынан босатылды. Бұл туралы Ақорда cайтына сілтеме жасаған rast.kz хабарлайды.
Аружан Сайын 2019 жылдың 18 шілдесінде Бала құқықтары жөніндегі уәкілі болып тағайындалды.
Президент биылғы 1 маусымда омбудсмен Аружан Сайынды қабылдады. Олар кездесу барысында балалардың денсаулығы мен әлеуметтік тұрғыда қорғалуына, сондай-ақ балаларға жасалатын зорлық-зомбылыққа қарсы іс-әрекетке қатысты өзекті мәселелер жайында сөйлесті. Сонымен қатар, Мемлекет басшысы оған қызметі шеңберінде тағы бірқатар тапсырмалар берді.
Алайда сол жолы артынша ел ішіне Президенттің Бала құқықтары жөніндегі уәкіл қызметіне риза болмай қалғаны жайында да қауесет тарап кеткен еді.
Айтатыны жоқ, Президенттің Аружан Сайынды қызметінен босату жөніндегі шешімін қазақ қоғамы зор қуанышпен, үлкен қанағаттанғандық сезіммен қарсы алды. Мұны әлеуметтік желілердегі жазбалар мен комменттер анық аңғартады. Жұрт оны осы өткен 4 жыл ішінде өз жұмысына қатысты қандай елеулі іс атқарғанын еске түсіре алмай әлекке түсіп отыр.
