USD
КАНН. 29 мамыр. Иран актрисасы Махлага Жабери француздың Канн қаласында өткен әйгілі кинофестивальде жоғары жағы мойнына оралып тұрған ашық көйлекпен көрінді. Бұл туралы Oxy.az дерегіне сүйенген rast.kz хабарлайды.
Иран жұлдызы Махлага Жабер фестивальдің қызыл жолақ жолына екі қапталында декольтесі мен мойнын орап тұратын орамасы бар, алды ашық-шашық қара көйлекпен шықты.
Актриса Instagram-ға осы көрініс қамтылған видео салып қойып, оған «Өлім жазасын тоқтатыңдар» деген жазба қалдырған. Оған тағы «Иран халқына арналады» деген сөз де қосқан.
Махлага Жабери өзіне көмектескендері үшін модьелерге, видео авторына және менеджерге алғыс айтқан.
Айта кету керек, көйлек модьелер Жила Сабердің дизайны бойынша тігілген.
Желіні пайдаланушылар өздерінің комментарийлерінде батылдығы мен өз еліне деген патриоттығы үшін актрисаға алғыс сезімін білдірген.
Еске сала кетейік, БҰҰ-ның Адам құқығы жөніндегі басқармасы бұдан бұрынырақ Иранда 2023 жылы 209 адамның өлім жазасын тартқанын хабарлаған болатын.
