USD
БЕЛГОРОД. 24 мамыр. Ресейдің ерікті азат етуші армиясы РФ әскерлеріне қарсы ұрыс қимылдарын жүргізіп жатқан Белгород облысында өткен түнде дрондардың шабуылға шыққаны белгілі болды. Бұл туралы The Moscow News мәліметтеріне сүйенген rast.kz хабарлайды.
Мамырдың 24-не қараған түні ұшқышсыз ұшақтар Белгород облысына жаппай шабуылға шықты, деді жергілікті губернатор Вячеслав Гладков. Оның айтуынша, дрондардың көбін әуе шабуылына қарсы жүйе залалсыздандырып үлгерген, алайда одан аман кеткен бірқатары Белгород қаласы мен облыстың жекелеген аудандарын атқылаған.
Гайворон округінде газ құбыры істен шығып, артынша өрт тұтанған. Яковлев округінде дрон әкімшілік ғимаратына екі жарылғыш зат тастап кеткен.
Аймақ басшысы сондай-ақ Шебекин округіндегі Терезовка селосының шетін Украина Қарулы күштері атқылағанын айтты.
Түнде Белгородта бірнеше жерде жарылыс болған.
22 мамыр күні таңертең Белгород облысына Украина жағында соғысып жатқан «Свобода России» және «Русский добровольческий корпус» легиондарының жауынгерлері басып кірді. Осыдан кейін жергілікті билік «Контрреволюциялық операция» (КТО) деген режим жағдайын жариялады. Қорғаныс министрлігі бұл оқиға жайлы жұмған аузын ашқан жоқ. Кеше «еріктілердің» талқандалғаны жайлы айтылды. Ал 23 мамыр күні режим алынып тасталды.
