Назарбаевтың некесіз әйелдері мен балалары жайлы шындық айтылды

АСТАНА. 17 сәуір. Белгілі журналист Гүлжан Ерғалиева экс-президент Нұрсұлтан Назарбаевтың некесіз әйелдері мен балалары туралы шындықты егжей-тегжейлі ашып берді. Бұл туралы ҚазТАГ дерегіне сүйенген rast.kz хабарлайды.

«Мен Назарбаевтың емес, онымен туыс болғаны үшін амалсыз жауапты болып қалған жандардың жағындамын. Қазақ даласының кешегі қожайының заңды мұрагерлері саналатын қыздері, күйеу балалары, немерелері мен қарындастары барынша ашық түрде әбден байып алып, «заңдағы ұрылар» болып шыға келді. Бірақ Нұрсұлтанның сырттан басқа әйелдері мен балалары пайда болысымен, олар заңнан тыс қалып, бірден заңды отбасы мүшелері саналатындардың өлердей жек көретін нысандарына айналды»,. – деп жазды Гүлжан Ерғалиева әлеуметтік желіде.

Журналист әңгімені Нұрсұлтан Назарбаевтың ұлы – Айсұлтан Назарбаевтан бастайды. Оның версиясы бойынша, Айсұлтанды жұмбақ жағдайда қайтыс болған бір стюардесса әйел туған. Сосын Назарбаев ұлын асырап алулары үшін Дариға Назарбаева мен Рахат Әлиевтің қолына береді.

«Нұрсұлтан өзінің шынайы бет-бейнесін жасырып, астыртын өмір сүруге мәжбүр болған, өзінен екі қыз туған, қазір бір жақтарда тұрып жатқан тағы бір стюардесса әйелге де үйленген жоқ. Оған мұндай жартыкеш тағдырлы жалған өмірбаянды тіршіліктің оған не керегі бар?», – деп жазады журналист.

Ерғалиева сондай-ақ Назарбаетың «белгілі» әйелі Әсел Құрманбаеваның шын мәнінде  академик Тілектес Есполовтың тіпті де қызы емес екеніне назар аударады.

«Академик Есполов деген біреу Әсел Құрманбаеваның әкесі емес – ол академик бейнесіндегі жалған «папа». Академик Есполовтың өз отбасы мен төрт баласы бар, олардың арасында Әсел деген қыз жоқ. Мен Әселдің туылу тарихын жақсы білемін, оған өзімнің жеке қатысым бар. Мен оның шын әке-шешесі кімдер екенін білемін. Бірақ ол басқа әңгіме. Мәселе басқада. Мәселе жап-жас, таза және сұлу Әселді Назарбаевтың шағалдары егеленіп алғанында… ал қарапайым отбасы оларға қарсы келе алмады. Фамилиясы анасы жағынан –  Құрманбаева, әкесі жағынан Исабаева болған Әсел елбасы құмарлығының тағы бір құрбаны болып, оған екі мұрагер туып берді және өзінің балаларымен бірге тақ төңірегіндегі отбасылық ойранға түсіп кетті. Оның басты бәсекелес ретінде Назарбаевтың заңды отбасының, әсіресе, Нұрсұлтанның үлкен қызының қандай жеккөрушілік боранына тап келгенін тек түсіне білу керек», – деп жазды Ерғалиева бұдан әрі.

Ол сондай-ақ Әселдің жеккөрінішті отбасынан қашық жүру мен қатыгез халық қарғысынан қашу үшін балаларын алып, Назарбаевтан кетіп қалуға мүмкіндігі болды деген дегендерге қарсы пікір айтады.

«Егер іс жүзінде өзі мен балалары Назарбаевтың меншігі болса, оған өзі мен балаларының тағдырларына билік жасауға кім рұқсат береді? Ол біздің ондаған жылдар бойы басымыздан кешкенімізді енді көріп, «қазақтың тұтқын әйелі» болып отыр, тек жағдайы ол кездегіден 10 есе ауыр. Кезінде «Назарбаевтан кетіп қалуға әрекет жасағанында Әселден балаларын алып қойып, өзін психиатриялық ауруханаға жатқызып тастаған» деген де қауесет бар. Айсұлтанның оқиғасы тағы қайталанып жүрсе ше, оған не дейсіздер? Ендеше, Әселді бекерге күстаналап керегі жоқ – олардың тағдырлары осындай сұрықсыз ғой», – деп мәлімдеді журналист.

Еске сала кетейік, бұған дейін интернетте «Нұрсұлтан Назарбаевтың некесіз туған ұлы» ретінде аталған Тауман Назарбаев деген біреу жайлы хабар тарап кеткен болатын. Роликте 18 жастағы Тауман Назарбаевтың әкесі энергетика министрі Алмасадам Сатқалиев екені атап өтілген А. Майданова деген қызбен мұсылманшылық салтымен некеге тұрғаны баяндалады.

Бірақ министрліктегілер министр мен Назарбаевтың әлдеқандай бір өзара байланыстары бар екенін жоққа шығарды.