Жаңалықтар жаңғырығыҚоғам

Қызылорда облысы сайлауға қатысу бойынша бірінші орында келеді

ҚЫЗЫЛОРДА. 19 наурыз. Бүгін өтіп жатқан Мәжіліс және жергілікті мәслихаттар сайлауларына қатысу көрсеткіші бойынша Қызылорда облысы бірінші орында тұр. Бұл туралы ҚР Орталық сайлау комиссиясының мәліметіне сүйенген rast.kz хабарлайды.

Сыр өңірінде саяси дода аяқталуға жақындағанына қарамастан, сайлаушылардың белсенділіктері бәсеңсіген жоқ, сайлау учаскелеріне келіп жатқан адамның қарасы әлі де көп.

ҚР Орталық сайлау комиссиясы сағат 18.10-дағы мәлімет негізінде облыстардағы сайлаушылардың сайлау учаскелеріне келіп, дауыс берулері көрсеткіштерін таратты.

Мәліметке сәйкес, осы сағаттарда еліміз азаматтарының сайлауға қатысу деңгейі 53 пайыздан асқан.

Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2023 жылғы 19 наурызда сағат 18.10-дағы жағдай бойынша тізімдерге енгізілген азаматтардың жалпы санының 53,11 пайызы бюллетеньдер алған.

Сайлауға қатысу көрсеткіші бойынша Қызылорда облысының тұрғындары 65,70 пайыздық көрсеткішімен бірінші орында келеді. Одан кейінгі екі орынға 65,00 пайыздық көрсеткішке жеткен Жамбыл және Қостанай облыстары орналасқан.

Барлық облыстар бойынша көрініс мынадай:

  1. Абай облысы бойынша –56,14%
  2. Ақмола облысы бойынша –59,49%
  3. Ақтөбе облысы бойынша –56,88%
  4. Алматы облысы бойынша –59,74%
  5. Атырау облысы бойынша –49,19%
  6. Батыс Қазақстан облысы бойынша –58,81%
  7. Жамбыл облысы бойынша –65,00%
  8. Жетісу облысы бойынша –55,07%
  9. Қарағанды облысы бойынша –58,85%
  10. Қостанай облысы бойынша –65,00%
  11. Қызылорда облысы бойынша –65,70%
  12. Маңғыстау облысы бойынша – 54,04%
  13. Павлодар облысы бойынша –58,61%
  14. Солтүстік Қазақстан облысы бойынша –64,46%
  15. Түркістан облысы бойынша –51,07%
  16. Ұлытау облысы бойынша – 58,63%
  17. Шығыс Қазақстан облысы бойынша –63,63%
  18. Астана қаласы бойынша –40,94%
  19. Алматы қаласы бойынша –22,95%
  20. Шымкент қаласы бойынша –43,89%

Келесі жедел ақпарат сағат 20.10-да беріледі.

Тағы көрсету

Пікір қалдыру

Ұқсас мақалалар

Back to top button