USD
ЕРЕВАН. 10 наурыз. Армения билігінің Кремльден қашықтай беруге бағдар ұстаған бағыты жалғасып жатыр, бұл жолы олар ұйым басшылығынан бас тартты. Бұл туралы армян бұқаралық ақпарат құралдарына сүйенген rast.kz хабарлайды.
Армения Ұжымдық қауіпсіздік шарты ұйымының (ҰҚШҰ) өзіне ұсынған ұйым бас хатшысының орынбасары лауазымы квотасына бас тартты. Жұма күні осыған байланысты республика ішкі істер министрлігінің баспасөз хатшысы Ваан Унанян журналистермен кездесіп, олардың қойған сұрақтарына жауап берді.
«Арменпресс» Ереван мен Мәскеудің арасы өткен жылғы қазан айында Армения мен Әзербайжан жанжалы тұсынан шиеленісе басталғанын атап өтті. Армян тарапы жағдайға ұйымның араласуын талап етті. Бірақ Бакуді айыптаған Ереван сол кезде Мәскеуден қолдау таба қоймады.
Осыдан кейін Армения қараша айында ҰҚШҰ саммитінің қорытынды декларациясына қол қоюдан бас тартты, ад келесі айда блоктың бірлескен жаттығу жиыны өтпейтінін жариялады.
Бұдан бөлек, Ереван ҰҚШҰ-ны Армения мен Әзербайжан шекарасына бақылаушы етіп жіберуге де келіспеді. Армения мұның орнына шекараға Еуропа одағының азаматтық бақылаушылар миссиясын орналастыруға келісім жасады. Қаңтарда қол жеткен келісімге сәйкес, бұл миссияның мандаты екі жылға созылды.
Еске сала кетейік, Армения премьер-министрі Никол Пашинян республикада болған Ресей әскерлерінің қауіпсіздікке кепілдік бере алмауы былай тұрсын, қайта елге қосымша қауіп-қатер төндіретінін мәлімдеді.
Тағы айта кететін жайт, қазіргі таңда ҰҚШҰ бас хатшысының Валерий Смирнов (РФ), Самат Ордабаев (Қазақстан) және Тахир Хайрулоев (Тәжікстан) секілді үш орынбасары бар. Ал үш жылдық мерзімге бас хатшы болып Иманғали Тасмағамбетов 2023 жылғы 1 қаңтарда отырды, ол бұл қызметті 2025 жылғы 31 желтоқсанға дейін атқарады.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
