USD
МӘСКЕУ. 25 ақпан. РФ ФСБ-ның офицері Игорь Стрелков өте жақын айларда Днестр бойының Ресей оккупанттарынан толық азат етілетініне болжам жасады. Бұл туралы rast.kz хабарлады.
«Наурызда бәрі түгел шешіледі», – деді ол.
Алдағы көктем айларында-ақ Кремльдің Молдова жеріндегі Днестр бойынан (Приднестровье) отау тіккізіп қойған фейк «республикасы» өзінің тіршілік етуін тоқтатады.
«Стрелков» деген лақап фамилиясы бар Игорь Гиркин – Ресей ФСБ-ның қызметкері, әскери қылмыскер, ол Малайзияның «Боинг17» ұшағын атып түсіруге қатысқан төрт адамның бірі ретінде Амстердам соты арқылы жаза алған, өзін өзі жариялаған ДХР мен ЛХР дегендердің «қорғаныс министрі» болған. Кейінгі кездері Ресейдің соғыстағы тактикасын, Путин мен қорғаныс министрлігінің қателіктерін ұдайы сынға алып келеді.
«Днестр бойы республикасы» дегеннің құлайтынын Стрелков 24 ақпан күні өзінің жеке Telegram-каналына берген сұхбатында айтты.
«Тирасполь төңірегіндегі ахуал тағы да қауырт шиеленісе түседі. Сіздер білетіндей, Молдовада үкімет шұғыл ауыстырылды, оның басына Днестр бойынан Ресейдің әскери контингентін тез арада шығару керектігін мәлімдеп жүрген айқын да ашық қаршығалар келді. Мен Молдова жақын арада РФ-дан әскерлерін шығаруды талап етіп, оның мерзімін белгілейді және осыған байланысты әлдеқандай бір келісім жасалады деп ойлаймын. Бұдан арғысының бәрі техникалық сәттер болады. Наурыз айының аяғына дейін, тіпті оған жетпей-ақ Днестр бойының мәселесі шешіледі деп ойлаймын. Мен үшін мұның бәрі ауыр… мен сол жақта соғысқанмын», – деп мәлімдеді соғыс қылмыскері.
Айта кетуіміз керек, Мәскеу қазір Днестр бойының маңындағы ахуалды өте белсенді түрде ушықтырып бағып жатыр. Осыған орай Украина Қарулы күштері деоккупация жасау мақсатында мойындалмаған «республиканың» жанына әскерін шоғырландырып жатыр-мыс деген жалған ақпар таратуда. Тіпті бұл фейктердің дүрмегіне РФ сыртқы істер министрлігі де қосылып кетті.
Мәскеу от тастағысы келіп отырған бұл жанжалға орай түсіндірме берген Киев Молдованың территориялық тұтастығын құрметтейтінін, осыған байланысты оның территориясында өз бетінше әлдеқандай бір соғыс операцияын жасай қоймайтынын айтып сендірді.
