Сербия «Вагнер» компаниясына тыйым салып, Украинаға көмек бермекші
БЕЛГРАД. 22 қаңтар. Сербия билігі «Вагнер» компаниясының өз елінен жалдамашы алуына тыйым салып, Украинаға көмек беруге шешім етті. Бұл туралы The Noscow News хабарлады.
«Ресейдің Еуропадағы жақын одақтасы Мәскеуден іргесін түпкілікті аулақ салды. Сербия президенті Александр Вучич «Вагнер» жеке әскери компаниясының сербтерді Украинадағы соғысқа арбап апаруына тыйыс салды, республика билігі болса, өз кезегінде енді Киевке гуманитарлық көмек көрсетуге шешім қабылдады», – делінген хабарламада.
Сербтердің Украинаға көмегі бұл елдегі энергетика жүйесіне қолдау көрсету мақсатында бірқатар жабдықтарды жеткізіп беру түрінде жасалады.
Ресей өткен жылдың 10 қазанынан бері ондаған мәрте ракетадан жаппай соққы жасап, Украинаның энергетика жүйесін қатардан шығарып тастады, соның салдарынан ондаған миллион адам жарықсыз, жылусыз және сусыз қалды. Нәтижесінде Украина әлі күнге дейін электр қуатын кезекпе-кезек беріп тұруға мәжбүр болып отыр.
Ресей басқыншылары бомбылап тастағаннан кейінгі зардаптарды жеңілдетуге бірнеше ел қолын созды. Солардың қатарындағы Әзербайжан мен Қазақстан Украинаға энергия жүйесін қалпына келтурі үшін электр генераторлары мен трансформаторларын жіберді. Енді бұлардың қатарына Сербия қосылып отыр.
Сербия сондай-ақ өз елінде Ресейдің «Вагнер» атты содырлар ұйымы өкілдерінің еркін жүріп, Украинадағы соғысқа жалдамалы жауынгерлер алып кетіп жатқанына ашу-ыза білдіре бастады. Сол себеппен бұл қылмыстық ұйымның мұндай әрекетіне тыйым салатын жарлық даярланды.
