Таразда ресейлік маманның өктемшілігі жұрт ашу-ызасын туғызды (видео)
ТАРАЗ. 24 қараша. Кеше Тараз қаласынан 25 шақырым жерде орналасқан «Жаңа Жамбыл фосфор зауыты» қызметкерлерінің жаппай наразылығы орын алды. Бұл туралы Ratel.kz хабарлады.
Жергілікті мәнбенің ақпарына сай, инженерлің құрамның қызметкері – Ресей азаматы жұмысшылардың арына тиетін сөз айтып сөгіп, олардың ашу-ызасын бірден бұрқ еткізген.
Оқиға 23 қараша, сәрсенбі күні Жаңа Жамбыл фосфор зауытында тіркелген. Қолдағы мәліметке қарағанда, сол кезде қызметкерлерді зауыт территориясына кіргізетін магнитті рұқсатнама жасайтын жүйе істен шыққан. Осының салдарынан кірер жерде жұрттың шоғыры жиналып қалған. Сол уақытта сандық технология басқармасының жетекшісі, ресейлік маман Олег Куликов топырлаған адамдарды көріп, оларды «малдар» («бараны») деп сөккен.
Тағы бір мәлімет бойынша, ол мұны бөлімше басшыларымен өткізіп жатқан жиына кезінде айтқан. Сосын осыны естіп қалғандардың бірі болған жайтты жұмысшыларға жеткізген.
Осыдан кейін жұмысшылар зауыт ғимараты алдына тез жинала қалып, инженерден өздерінен кешірім сұрауды талап еткен. Ал Тараздың Instagram-жағы пабликтері мен жергілікті месенджерлер бойынша осы оқыс оқиғаның видеолары шұғыл тарай бастады. Видеоларда наразылық толқынына қатысып жатқан жұмысшылардың саны жүздеген адамға жететіні байқалады. Оқиға орнына полицейлер келген, мұнда прокурорлар да болған. Видеодан сондай-ақ Тараз қаласының әкімі Бақытжан Орынбеков пен облыс әкімінің бірінші орынбасары Нұржан Календеров көрінеді.
Видеолардың бірінен жұмысшылар тобының ортасында келе жатқан бір ер кісіні сырттан келіп тұра ұмтылған тағы бір кісінің беттен ұрғанын да көруге болады.
Кейін әлеуметтік желілерде бетін орамалмен бүркеп алған бір адамның полицейлердің қоршауында келе жатқаны түсірілген видео пайда болды. Ол сәлден кейін қолына микрофон алып, жиналған жұрттан кешірім сұрады.
– Егер әлдекімді ерікті түрде не еріксіз ренжітіп алған болсам, мен өзімді кешіруді сұраймын. Кешіріңіздер, мен сіздердің көздеріңізге екі көзіммен бірдей қарай алмаймын. Маған сіздермен жұмыс жасасу жағымды болды. Мен болған оқиғаға қарамастан, сіздерді ылғи жақсы жағынан ойлайтын боламын. Мені кешіріңіздер.
Осы сөздерден кейін Куликов полицейлердің қоршауында әкетілді.
Әлдекім сөз алып, жиналғандарды жұмыс орындарына баруға шақырды.
Мәнбенің мәліметінше, басқарма бастағы бүгін шұғыл берілген бұйрыққа сәйкес жұмыстан шығарылған.
Тараздағы «Қазфосфат» зауытында орын алған бұл оқиға әлеуметтік желіні пайдаланушыларды да бейтарап қалдыра алмады. Онда аталмыш зауыттың Қазақстан Парламенті сенатының бұрынғы спикері Нұрлан Нығматуллиннің ұлы Нұрхан Нұрлановтың жеке меншігіндегі нысан екені де айтылып жатыр. Зауыт қожайындары кәсіпорынды басқаруға кіл ресейлік мамандарды әкелген көрінеді. Жұртшылық осыған да нарызылық білдіріп, қазақ жерінің байлығы болып табылатын зауытты мемлекет меншігіне қайтаруды да талап етуде.
