Сүйінші! Дзодошы Данияр Шәмшаев – Азия чемпионы!

АСТАНА. 6 тамыз. Дзюдодан Астана қаласында өтіп жатқан Азия чемпионатында 21 жасар қазақстандық Данияр Шәмшаев кеше 73 килоға дейінгі салмақта чемпион атанды. Бұл туралы rast.kz хабарлады.

Біздің жерлесіміз турнирдегі жек-жектерінің бәрін мерзімінен бұрын таза жеңіс – иппонмен аяқтады. Ол татамиге 4 рет шықты. Соның бәріндегі жеңістер үшін жиынтығы 149 секунд қана уақыт жұмсады.

Данияр іріктеу белдесулерінде үндістандық Нингтоужам Суреш Сингхты – 42 секундта, тәжік Бехрузи Хожазадоны – 42 секундта, жартылай финалды қырғыз Чингисхан Сагыналиевті – 31 секундта, ал финалда өзбек Муроджон Юлдашовты 34 секундта іске алғысыз етіп тастады.

Бұған дейін қазақтандықтар қатарынан Ислам Бозбаев (100 кг), Әбиба Әбужақынова (48 кг) – күміс, Мағжан Шәмшадин (60 кг), Ғұсман Қырғызбаев (66 кг), Аруна Жангелдина (78 кг), Дидар Хамза (9 кг), Нұрлыхан Шархан (100 кг) қола медальдарды жеңіп алған болатын.

Тамыздың 4-інде басталған чемпионат ертең, 7 тамыз күні мәресіне жетеді.

Турнирге құрлықтың 19 елінен 200-ге жуық атлет қатысып жатыр.