Павлодар облысының әкімі Бақауов қамауға алынды
ПАВЛОДАР. 15 қаңтар. Павлодар облысының әкімі Болат Бақауов қамауға алынды. Бақауовпен бірге орынбасары Арыстан Қабыкенов те қамауға алыныпты деген хабар Павлодар көшесін кезіп кетті. Бұл туралы «Адырна» ұлттық порталы хабарлады.
Білетіндердің айтуынша, облыс әкімін елордадан келген ҰҚК қызметкерлері жиналыс үстінде қамауға алған дейді.
Естеріңізде болса, өткенде әлеуметтік желіде облыс әкімінің суреті 32 миллионға сатылған видеосы қоғамда үлкен резонанс тудырған болатын.
Портал Болат Жұмабекұлы Бақауовтің 1971 жылғы 27 маусымда Павлодар облысының Железин ауданындағы Новокузьминка ауылында туғанын жазады. Ол 2016 жылғы 25 наурыздан бері облыс әкімі болып келді.
Павлодар блысының әкімдігі облыс әкімі Болат Бақауовтың қамауға алынғаны туралы ақпаратқа қатысты пікір білдірді. «БАҚ-та, әлеуметтік желілер мен мессенджерлерде «Павлодар облысының әкімі ұсталды, тергеліп жатыр» деген мазмұндағы хабарламалар мен аудиожазбалар таралуда. Дәл қазіргі уақытта аталған ақпаратты растайтын ресми деректер жоқ. Ресми деректер жарияланғанға дейін қандай да бір тұжырым жасаудан аулақ болуға шақырамыз. Біз Сіздерді өзіміздің әлеуметтік желілер арқылы хабардар ететін боламыз,» – делінген Facebook-тегі парақшада.
