Қырым көпірін қирату қиын емес, ол – тек уақыттың мәселесі
КИЕВ. 9 мамыр. Украина Сыртқы істер министрлігі Қырым көпірінің күлін көкке ұшыру енді өздері үшін түк қиын емес екенін, оның тек уақытын күтіп тұрғанын айтты. Бұл туралы DonPress хабарлады.
Сыртқы істер министрінің кеңесшісі Виктор Андрусивтің айтуынша, Қырым көпірі міндетті түрде қиратылатын болады, ол тек өзінің сәтін салатын уақытына ғана тәуелді.
«Бізде мұны жүзеге асыратын қару жоқ. Дәлірегі бар, бірақ көпірді дәл қирату үшін бізге Азов теңізінің жағалауына әлі де жақындап бару керек», – деді ол.
Мұның алдында Латвия Қарулы күштерінің өкілдері украин әскерилерінің Қырым көпіріне 9 мамырда соққы беруі мүмкін екенін айтқан болатын. Олардың мәліметтері бойынша, «бұл өткелді бүлдіру Ресей үшін айтарлықтай ауыр соққы болып тиеді, себебі, оккупанттар оңтүстік бағыттағы ұрыс қимылдарына осы жерден қару-жарақ тасиды».
Ал бүгін Пентагонның Украинаға жаңа жоғары дәлдікті лазерлі ракета жеткізіп беруге дайындалып жатқаны белгілі болды. Ол жайында Washington Post газеті жазды. Журналистердің мәліметінше, бұл жерде әңгіме жалпы сомасы $ 22,6 млн тұратын 70-мм-лік APKWS зымыраны мен Switchblade және Puma беспилотниктері жайында болып отыр.
Кеше Ресей Қарулы күштері «Солнцепек» огнемет жүйесімен өздерінің позицияларын атқылаған. Атап айтқанда, 60-шы жеке жаяу әскер бригадасының 97-ші батальоны Запорожье бағытында өз әскерлеріне снаряд жаудырған.
Бүгін кескілескен негізгі ұрыс қимылдары Луганск бағытында жүрді.
Суретте: «Солнцепек» өз позициясын атқылап жатыр
