«Хабар» арнасында ірі көлемде қаржылық былықтар шығып жатыр

АСТАНА. 25 сәуір. «Хабар» телеарнасының қаржылық былықтарына байланысты тың деректер мәлім болды. Бұл туралы Orda.kz хабарлады.

«Хабар» телеарнасының қаржылық былықтарына қатысты жаңа ақпарат Telegram-арналардың бірінде жарияланды.

Мәнбелердің мәліметінше, қазір «Хабар» агенттігі» АҚ Есеп комитеті жүргізген тексеру нәтижелері бойынша іс қозғалып жатқанға ұқсайды.

«Мемлекеттік аудиторлар анықтаған көптеген қаржылық бұзушылықтар, құқық қорғау органдарының назарын аударды. Бюджет қаражатын ұрлау 500 млн теңгеге жетіп, 1,5 млрд теңгеге бюджеттік бұзушылық фактілері анықталды», – делінген хабарламада.

Құқық қорғау органдары қызметкерлерінің назарына «Хабар» агенттігі басқарма төрағасының бұрынғы бірінші орынбасары, қазір «Аманат» партиясының хатшысы Ринат Кертаевқа қатысы бар аутсорсингтік компаниялар мен жеке кәсіпкерлер түскені хабарланды. Сондай-ақ, тергеушілердің деректі фильмдер мен телебағдарламалар сериясын түсірудегі алаяқтыққа қатысты мәселелер бар екені белгілі болды.

Айта кететін жайт, айтылып отырған Ринат Кертаев ертеден Дариға Назарбаеваның адамы, «Хабар» агенттігінде көп жылдар бойы оның мүддесілоббистерінің бірі болған.

Қауесетке қарағанда, ол дулат тайпасынан шыққанымен, өзін «шапырашты» деп таныстыратын болған.

Қазіргі таңда Кертаев куәгер мәртебесіне ие, өйткені екі жауап алу кезінде, мәнбелердің баяндауынша, ол тергеуге белсенді түрде ынтымақтастық танытқан. Алайда, келтірілген залалдың дәрежесі мен ауқымы, күдіктілер шеңбері әлі толық анықталған жоқ. Демек, тергеу барысында оның мәртебесі өзгеруі мүмкін.

Сонымен бірге, «Хабар» телеарнасында қызметкерлердің негізсіз төмен жалақысына қатысты жанжал резонанс тудырып, елорданың сол жағалауының назарын аударды. Ол қылмыстық іс барысын жылдамдатуы ықтимал.