USD
АСТАНА. 11 сәуір. Президент Қасым-Жомарт Тоқаевтың өкімімен Тамара Дүйсенова Еңбек және халықты әлеуметтік қорғау министрі болып тағайындалды. Бұл туралы Ақорда сайтына сүйенген rast.kz хабарлады.
Ол осымен үшінші мәрте Еңбек және халықты әлеуметтік қорғау министрі болып тағайындалып отыр.
Тамара Босымбекқызы Дүйсенова 1965 жылы 11 қаңтарда Оңтүстік Қазақстан (қазіргі Түркістан) облысының Сарыағаш ауданында туған.
1987 жылы Ташкент халық шаруашылығы институтын бітірді. Мамандығы – инженер-экономист. Экономика ғылымдарының кандидаты.
Еңбек жолын 1988 жылы Оңтүстік Қазақстан облысы Сарыағаш ауданындағы орта мектепте информатика пәнінің мұғалімі болып бастады.
1988-1992 жылдары Өзбек КСР-нің Мемлекеттік жоспарлау комитеті Экономика ғылыми зерттеу институтының экономисі болып жұмыс істеді;
1992-1993 жылдары – Оңтүстік Қазақстан облысы Сарыағаш аудандық әкімшілігінің аға экономисі;
1993-1994 жылдары – «Перизат-холдинг» компаниясының бөлім басшысы;
1994-1997 жылдары – Сарыағаш ауданы әкімінің кеңесшісі, орынбасары, бірінші орынбасары;
1997-1999 жылдары – Шымкент қаласы әкімінің бірінші орынбасары;
1999- 2002 жылдары – Оңтүстік Қазақстан облысы әкімінің орынбасары;
2002-2006 жылдары – Еңбек және халықты әлеуметтік қорғау вице-министрі;
2006-2008 жылдары – Оңтүстік Қазақстан облысы әкімінің орынбасары;
2008-2013 жылдары – Еңбек және халықты әлеуметтік қорғау министрлігінің жауапты хатшысы; Еңбек және халықты әлеуметтік қорғау вице-министрі (02.2013-06.2013);
2013-2014 жылдары – Еңбек және халықты әлеуметтік қорғау министрі;
2014-2017 жылдары – Денсаулық сақтау және әлеуметтік даму министрі;
2017-2018 жылдары – Еңбек және халықты әлеуметтік қорғау министрі;
2018-2019 жылдары – «Nur Otan» париясының хатшысы.
Жаңа тағайындауға дейін Қазақстан Республикасыы Президентінің көмекшісі – Президент Әкімшілігі өтініштерді қарауды бақылау бөлімінің меңгерушісі болып қызмет атқарды.
Тамара Дүйсенова қазақ, орыс және өзбек тілдерінде еркін сөйлейді.
