Польшада стадионға «асылып тұрған» Путиннің баннері ілінді
ВАРШАВА. 10 сәуір. Польшада футбол чемпионатының кезекті матчы кезінде стадионда Путиннің тұзаққа мойнын тығып тұрған сәті бейнеленген баннер ілінді. Бұл туралы segodnia.ua хабарлады.
Познаньдағы орталық стадионда Польшаның жоғары (экстракласа) лига чемпионаты 26-турының ойыны ойналды. Принципті матчта жергілікті «Лех» және Варшаваның «Легиясы» шайқасы.
«Кездесу 1:1 есебімен аяқталды. Екі гол да бірінші таймда соғылды. Алайда, онда жұрттың назарын өзіне айрықша аударған алаңдағы ойын емес, бір трибунада отырған жанкүйерлер болды», – делінген хабарламада.
Стадионға келген «Легия» мен «Лехтың» жанкүйерлері РФ президентінің мойнына тұзақ ілініп қойылған баннерін шығарып, Мәскеу диктаторына осы жерден «сәлем» жолдады.
Фанаттар трибунаға РФ президенті Владимир Путиннің кескіні бейнеленген орасан зор баннерді іліп қойды. Онда үстіне қызыл футболка киген, көздері жұмылып қалған, мойнына тұзақ ілінген «ресейлік фюрер» көрінеді.
Ресей мемлекеттік думасына Новосібірден сайланған, қазір уақытша эмиграцияда жүрген депутаты Илья Пономарев мұның дерегін Twitter әлеуметтік желісінде алғашқылардың бірі болып жариялап, бұл өзгеше перформансқа өзінің сүйсінетінін байқатты.
