Жаңалықтар жаңғырығыТаным

Бейбіт шеруге қатысқан, қылмысы жоқ 1083 адам босатылды

АСТАНА. 22 қаңтар. Қазақстан Бас прокуратурасы бірінші қызмет басшысының орынбасары Елдос Қилымжанов қаңтардың басында бейбіт шеруге қатысқан, қылмысы жоқ 1083 адамның құлып астынан босатылғанын айтты. Бұл туралы rast.kz хабарлады.

Осы уақытқа дейін құқық қорғау органдарына күштік ведомоство қызметкерлерінің қолға түскендерді азаптаулары турасында 91 арыз-шағым түскен.

Прокуратура өкілінің айтуынша, полиция қызметкерлері тарапынан болған 19 шағымның дерегі анықталмаған. Тағы 56 арыз тексерілу үстінде. Ал 16 факт бойынша қылмыстық іс қозғалған.

Азаматтардың құқықтарын бұзушылықтың жекелеген деректері расталып жатыр. Мәселен, прокуратура 12 қаңтарда заңсыз ұсталған 24 азаматты қамаудан шығарды.

Елдос Қилымжанов сонымен бірге қазіргі таңда жедел тергеу топтарының 819 қылмыстық істі тергеп жатқанына тоқталды. Олардың 45-і лаңкестік актілері, 36-ы жаппай тәртіпсіздік, 15-і адам өлтіру, қалғаны ұрлық, тонау, қаруды жымқыру және билік өкіліне қатысты күш қолдану деректеріне қатысты болып отыр.

Аталған істер бойынша 970 күдікті қамалған. 182-і күзетпен ұстауға алынса, 29-ы үйқамақта. 464 адам — лаңкестік және жаппай тәртіпсіздік бойынша ұсталды.

Сонымен қатар 226 тұлға ұрлық, заңсыз қару сақтауған 60, тонау бойынша 21, қару жымқырған 39, бұзақылық бойынша 25 адам қамауға алынды.

Бұған дейін Президентке есеп берген Ішкі істер министрі Ерлан Тұрғымбаев 1 822 қылмыстық іс қозғалғанын мәлім еткен болатын. Оның 116-сы арнаулы прокурорларға жолданған.

Бас прокуратура елімізде болған жағдайлардың себептерін анықтауды жалғастырып жатыр.

Тағы көрсету

Пікір қалдыру

Ұқсас мақалалар

Back to top button