Тоқаев Қазақстандағы қаңтар қақтығысының басты себебін айтты
АСТАНА. 21 қаңтар. Қазақстан Президенті Қасым-Жомарт Тоқаев елде қаңтардың басында орын алған халықтың жаппай наразыдығына ненің себеп болғанын мәлімдеді. Бұл туралы ҚазТАГ хабарлады.
«Менің 11 қаңтар күні Парламентте баяндағанымдай, байлар мен кедейлер арасындағы тұрмыстық алшақтық қол жеткізбес деңгейге дейін ұласты. Табыстың бұлайша бөлініске түсуі жанып тұрған шырпы мен оқ-дәрі жәшігінің ролін атқарды, мұны лаңкес содырлар мен олардың артында тұрған бүлікшілер пайдаланып кетті», – деді осыған орай Мемлекет басшысы жұма күні Қазақстанның ірі бизнесмендерімен кездесуі кезінде.
Оның айтуынша, бұл жағдай жылдар бойы жиналып, қалыптасқан.
«Бүгінгі таңда біздің алдымызда өзінің маңыздылығы бойынша бүкіл қоғамдық тәртіпті тереңінен трансформациялауды жүзеге асыруды жүктейтін стратегиялық міндеттер тұр. Бізге Қазақстан азаматтарының жан күйзелісі мен мүдделеріне жауап бере алатын нақты реформалар керек», – деді ол сосын.
Президент өз сөзінде Қазақстанның бар байлығы 162 адамның ғана қолына шоғырланып қалғанын алға тартты. Халықтың тең жартысының айлық табысы 50 мың теңгеден аспайды. Бұл жылына 1300 доллардан сәл ғана артық. Мұндай ақшамен күн көруге болмайды. Жағдайды шұғыл өзгерту керек.
Президенттің пікірінше, Қазақстанда олигополия, яғни бизнесті оңтайландыруды бір адамның қолына шоғырландыруға ұдайы ұмтылу үдерісі қатты дамыған. Бірақ бұл елдің экономикасын оңтайландыруға жеткізбейді. «Бір адам немесе компания өнімді өзі өндіреді, өзі қайта өңдейді, өзі сатуға шығарады, өзі банктер арқылы операция жасайды, ал қалғандары соның мырза үстелінен лақтырып тасталған қалдықтарды қағып алғандарына мәз болады… Бизнестің монополияға айналып кетуі – жаман нәрсе. Бұл қоғамды депрессияға, елге сенімсіздік тууына апарады. Жұрт неге бизнестің бәрінің бір адамдардың қолдарында екенін сұрайды. Бізде расында Гегель мен Бабельді ажырата алмайтын, арнайы білімдері жоқ адамдардың қолдарына орасан зор бизнес түрлері шоғырланған. Ал білімді, арнайы курстар бітірген адамдар бизнес пен ресурстардың маңайынан жүре алмайды», – деді Тоқаев.
Оның айтуынша, «қазір тергеу жүріп жатыр». «Мен оның қорытындысын бүкіл әлемдік қауымдастық секілді сіздер де білетін боласыздар деп ойлаймын», – дегенді қосты Тоқаев сосын.
