Термезде өзбек билігі «Талибанмен» келіссөз жүргізді

ТАШКЕНТ. 17 қазан. Кеше, сенбі күні Термез қаласында өзбек-ауған келіссөзі жүргізілді. Бұл туралы CentralAsia.uz хабарлады.

Өзбек делегациясын кездесуге инвестиция және сыртқы сауда министрі Сардор Умурзақов бастап барды, ал ауған тарапынан елдің премьер-министрі міндетін атқарушы Абдусалам Ханафи қатысты.

Екі елдің әртүрлі министріктері мен ведомостволары өкілдерінің қатысуымен өткен кездесулер барысында сауда-экономикалық, шекаралар қауіпсіздігі, энергетика, халықаралық жүк тасымалы мен транзит мәселелері талқыланды. Тараптар сондай-ақ білім және гуманитарлық салалардағы қарым-қатынастар бойынша да ойларын ортаға салды.

Айрықша назар «Сурхан – Пули-Хумри» электр желісі мен «Термез – Мараи-Шариф – Кабул – Пешавар» темір жолының құрылыстары секілді бірлескен инфрақұрылымдық жобаларға аударылды. Кездесулер қорытындысында тараптар талқыланған мәселелер жөнінде ортақ келісімге келді.

Соңынан Ауғанстан делегациясы меймандостықтары мен жемісті келіссөз үшін өзбек тарапына алғыс сезімін білдірді.

Кездесулер өзбек тілінде жүрді. Басқа тілдің керегі болған жоқ.