Петербордағы көріпкел мысық бүгін Италияның жеңетінін білдірді

САНКТ-ПЕТЕРБУРГ. 11 маусым. Эрмитажда Ахилл есімді оракул-мысық бүгін Еуропа-2020 чемпионатының ашылу матчында Италияның Түркияны жеңетініне ишара жасады. Бұл туралы ТАСС хабарлады.

Бірінші болжам білдіру рәсімі осы футбол турнирінің жергілікті баспасөз орталығында болып өтті.

«Матчтың айғағы айтылды, шамасы, итальяндар ірі есеппен ұтатын сияқты», – деді салтанатты рәсімді жүргізуші.

«Тамақ салынған ыдыстар Түркия мен Италия жалауларының жанына қойылды, Ахилл солардың біреуін таңдады, ол итальяндардың туы жанындағы құты болып шықты», – деп жазды ТАСС.

Бұдан алдын мысықтың егесі, Эрмитаж мысықтарының дәрігері Анна Кондратьева оракул Ахиллдің тек Санкт-Петербургте ойналатын үш матчтың ғана нәтижелеріне болжам жасайтынын мәлімдеп еді.

Естеріңізге сала кетейік, чемпионаттың 36 топтық іріктеу ойынының 6-ы Санкт-Петербургте ойналады.