USD
ҚАЗАН. 11 мамыр. Татарстандағы Жеңіс шеруінде «арнайы соғыс операциясы» мүгедектерінің колоннасы да сықырлаған балдақтарымен жүріп өтті. Бұл туралы The Moscow Times ақпарына сүйенген rast.kz хабарлайды.
Украинада расталған шығындар саны бойынша екінші орында тұрған Татарстанда өткен Жеңіс шеруіне 9 мамыр күні «СВО ардагерлері» де шықты. Сонымен қатар, парадқа қатысушылардың арасында сүйеніш құралдарынсыз қозғала алмайтын және протездері бар мүгедек әскери адамдар да болды. Сөз республиканың «мұнай астанасы» – Әлмәт (орысша – Альметьевск) қаласы туралы болып отыр, онда елуге жуық соғысқа барып қайтқандар шеруге шығарылды.
Колоннаның басында «Отан қорғаушылар» қоры жергілікті филиалының төрағасы Виктор Шатрилов тұрды, ол бұған дейін оның тобы Запорожьеде диверсанттарды қалай ұстағанын, олардың Украина Қарулы күштері артиллериясын балабақшалар мен мектептерге бағыттағанын айтқан болатын.
Қор атап өткендей, мұндай колонна «үшінші жыл қатарынан» шеруге шығып тұр. Видеоға сүйенсек, алаңда жүрген әскерилердің бір бөлігі мүгедектікке ұшырап, ауыр жарақат алулары салдарынан таяқтар мен балдақтарға сүйеніп әрең жүр, ад колоннаның алдында аяғы жоқтар мүгедектер арбасымен келе жатты, жалпы көпшілігінің ақсақ-тоқсақ екенін анық көрінеді.
«Медиазона» мен «Би-Би-Си» жүргізетін Украинада қаза тапқан ресейліктердің аттарын анықтайтын тізімде Татарстан ұзақ уақыт бойы Ресей Федерациясының барлық аймақтарының арасынан қаза тапқандар саны бойынша екінші орында келеді. Соғыста, есеп бойынша, республиканың 7980-де» адамы қаза тапқан. Биліктің мәліметінше, аймақта «Арнайы соғыс операциясынан» жарақат алып қайтқан 3600-ге жуық бұрынғы жауынгер тұрады.
Бұған дейін Читада 9 мамырдағы шеруде билік орталық алаңда қайтыс болған «өз батырларының» әйелдері мен аналарының өтуін ұйымдастырылғаны белгілі болған. Салтанатты есеп құрамында бірдей киінген әйелдер, сондай-ақ кадет мектеп-интернатының тәрбиеленушілері сап түзді. Шеруге шыққан жесірлер мен аналардың бір бөлігі қайтыс болған соғыс қатысушыларының портреттерін алып жүрді.
Германияда алдын ала тыйым салынғанына қарамастан, мас орыстар 9 мамыр күні КСРО мен Ресейдің, тіпті немістер жағында соғысқан генерал Власов дивизиясының туларын алып шығып, қоғамдық тәртіпті қасақана бұзуларымен жазаға ұшырады.
Орыс қоғамы осылай күллі әлемге мазақ болуын әлі жалғастырып келеді.
