USD
КИЕВ. 27 иамыз. Украина Қарулы Күштері Ресейдің Курск облысында басып алған елді мекендері санын 100-ге жеткізді. Бұл туралы УНИАН ақпарына сілтеме жасаған rast.kz хабарлайды.
Украина Қарулы күштерінің бас қолбасшысы Олександр Сирский (суретте) президент Володимир Зеленьский берген соңғы баянатында осының жайын тарқатып айтты.
«Біз алға жылжуды жалғастырып жатырмыз, Ресей әскерлеріне адам күші мен техника жағынан айтарлықтай шығын келтірдік. Бүгінгі таңда 1294 шаршы шақырым аумақты және ондағы 100 елді мекенді өз бақылауымызға алып отырмыз», – деді ол өз сөзінде.
Оның айтуынша, Украина армиясы Курск облысына жасап жатқан шабуылдары барысында 600-ге жуық ресейлік солдатты тұтқынға алған.
Бас қолбасшысы Ресей армиясында Курск бағытынан Украинаға шабуылдау операциясы юолғанын атап өтті. Бірақ мұның алдын алынды. Оның айтуынша, украин әскерінің мақсаты Сумы облысындағы нысандарды қорғау және Ресей Федерациясының аумағынан Украинаны атқылауды тоқтату болған.
«Жау біздің шабуылымызға төтеп беруге тырысып бағуда, сондықтан басқа бағыттардан әскер тартып, біздің алға жылжып келе жатқан топтың айналасында қорғаныс сақинасын құруға тырысады, сосын қарсы ға шығуды жоспарлап отыр», – деп атап өтті Олександр Сирский.
Генерал Украина армиясының бұдан кейінгі әрекеті майдандағы оперативті жағдайға байланысты болатынын айтты.
