USD
УАШИНГТОН. 8 тамыз. АҚШ президенті Әзербайжан басшысы мен Армения премьер-министрін 8 тамызда «тарихи бейбітшілік саммиті» аясында Ақ үйде қабылдайтынын растады. Бұл туралы DW ақпарына сүйенген rast.kz хабарлайды.
Ақ үйдің егесі 8 тамызда аталмыш екі ел арасында көптен бері жалғасып келе жатқан текетіресті тоқтатуға бағытталған «тарихи бейбітшілік саммиті» аясында Әзербайжан басшысы Ильхам Әлиев пен Армения премьер-министрі Никол Пашинянды қабылдайтыны шын екенін айтты. Америкалық көшбасшы тиісті хабарламаны 7 тамыз, бейсенбі күні түнде Truth Social әлеуметтік желісінде жариялады.
«Пашинян мен Әлиев бейбітшілік келісіміне ресми қол қою рәсімі үшін Ақ үйде менімен бірге болады» деп жазды Трамп.
Оның айтуынша, өзі Уашингтон Оңтүстік Кавказдың әлеуетін ашуға көмектесетін «экономикалық мүмкіндіктерді бөлісу үшін екі елмен» екіжақты келісімдерге де қол қоймақшы. «Бұған дейін көптеген көшбасшылар соғысты аяқтауға күш салып бақты, бірақ сол талпыныстарынан осы уақытқа дейін нәтиже болмады – бұл тек TRUMP-тың арқасында ғана мүмкін болғалы тұр», – деп жазды ол әрі қарай.
«Менің әкімшілігім екі жақпен де біраз уақыттан бері келіссөздер жүргізіп келді», – дегенді қосты сосын АҚШ президенті. Ол «дұрыс қадам жасай алатын осындай батыл лидерлерді мақтан тұтатынын» атап өтті.
