USD
АЛМАТЫ. 28 қараша. Әл-Фараби атындағы Қазақ мемлекеттік ұлттық университетінің ректоры Жансейіт Түймебаев ұлының қазасына күдікті деп танылған адам ұсталды. Бұл туралы Ratel.kz хабарлады.
Бас прокуратура қаңтар оқиғасы кезінде оққа ұшқан Елнардың өліміне қатысы бар деген адамның қолға түскенін мәлімдеді.
«Әл-Фараби атындағы ҚазМҰУ ректоры Жансейіт Түймебаев ұлының өліміне күдікті ұсталып, қамауға алынды», – делінген хабарламада.
Бұған дейін БАҚ хабарлағандай, Әл-Фараби атындағы Қазақ мемлекеттік ұлттық университетінің ректоры Жансейіт Түймебаевтың ұлы Елнар Алматыда болған тәртіпсіздіктер кезінде, 2022 жылғы 11 қаңтар күні қаза тапқан болатын. Сол уақытта оның жол бойымен өз бетінше кетіп бара жатқан машинасы белгісіз біреулер тарапынан атқыланған. Елнар сонда тиген оқтардың бірінен оқиға болған жерде жантәсілім еткен. Қайғылы оқиға көлік Сәтбаев көшесіне жете берген кезде орын алған.
Бас прокуратура ректордың ұлының өліміне тікелей қатысы бар адамды ақыры тапты. Ақпарға сәйкес, ол 21 қазанда қамауға алынған.
