USD
ҚЫЗЫЛОРДА. 13 маусым. Қызылордалық Оскар атты мысық бүгін түнде ойналатын Нидерланд – Украина арасындағы матчта голландиялықтардың басым түсетініне емеурін білдірді. Бұл туралы rast.kz хабарлады.
Оскар кеше түнде Бельгия мен Ресей құрамаларының кездесуінде петербургтік мысық Ахилл тәрізді бұлардың алдыңғыларының ұтатынын аңғартқан болатын. Олардың ишаралары тура келгені баршамызға белгілі.
Оскар бүгін кешке бірдей етіп құйылып, алдына қойылған екі ыдыстың Нидерланд елінің аты жазылғанына бірден бұрылып барып, оның ішіндегі азықты жей бастады.
Осы шараны ұйымдастырушылар бұған қарап, Нидерланд құрамасы жеңіске жетеді деген ұйғарымға келіп отыр. Мұның шындыққа қаншалықты жанасатынын матч соңында білетін боламыз. Ал ойын Алматы уақыты бойынша 01:00 сағатта ойналады.
