USD
МӘСКЕУ. 13 қыркүйек. Ресейдің Z-жазушысы Захар Прилепин жаңа соғыстарға қажетті солдаттарды жұмылдыру үшін бұрынғы КСРО-ның 2-3 республикасын басып алуды талап етті. Бұл туралы Dialog.ua ақпарына сілтеме жасаған rast.kz хабарлайды.
Ресейдің ультра патриоты, Z-жазушы және мемлекеттік думаның экс-депутаты Захар Прилепин Мәскеу халықаралық кітап жәрмеңкесінде Ресей империясын қалпына келтіруді талап етті. Өзінің сондағы сөзінде ол РФ-дағы қазіргі ахуалға қатты алаңдайтынын білдірді.
Прилепин посткеңестік елдердің кемінде 23-уін басып алуды алға тартты, өйткені «СВО»-ның қорытындысында Ресей Федерациясында жаңа жерлерді басып алуға салатын еркек қалмаған.
«Орыс мұжықтары таусылып барады. Бұрынғы КСРО республикаларының 2-3-уін тездетіп басып алып, еркектерін соғысқа тарту керек», – деді ол.
«Мен империяны қалпына келтіруді жақтаймын. Мен тек Украинаны ғана емес, сонымен бірге бұрынғы Ресей империясы мен Кеңес Одағының бізге қайтарылуға тиісті тағы бірқатар территорияларын қосып алуды ұсынамын. Себебі оларды біздің ата-бабаларымыз басып алды. Бізде қазір Украинаға қарсы тұру ғана емес, Украинамен соғысатын да адамдар қалмай бара жатыр. Бізде орыс мұжықтары таусыла бастады. Бізге енді жедел түрде кемі 2-3 республиканы басып алу керек, сосын оларды соғысқа жегілетін күш ретінде пайдаланамыз», – деп мәлімдеді Z-жазушы.
Ол осы сөінде Ресейдің күші сарқылып, сілелеп біткенін ашып айтты.
«Біз жарты жыл, бір жылдың ішінде Донбасты өзімізге қосып аламыз, сосын мұны өзіміз қалаған орасан зор жеңіс ретінде көрсетіп, әлемге жар саламыз. Әңгіме ешқандай да Киев туралы, Одесса туралы ,болып отырған жоқ», – деді Прилепин.
