USD
ЛИССАБОН. 13 қазан. Италияның «Ювентус» клубы мен Португалия құрамасының шабуылшысы Криштиану Роналду Covid-19 коронавирусын жұқтырып алды. Бұл туралы Португалия футбол федерациясы хабарлады.
Мұның алдында 35 жастағы форвардтың Covid-19-ға тапсырған тесті оң нәтиже көрсетіп, ол ұлттық құрама жиынынан кетіп қалған екен. Енді футболшы алда Ұлттар лигасы шеңберінде өтетін Швециямен кездесуге қатыспайды.
Хабарламада сондай-ақ Роналдудың сырқаты симптомпсыз өтіп жатқаны, қазіргі кезде оның өзін өзі оқшаулау режимінде жүргені айтылған.
Еске сала кетейік, Дүниежүзілік денсаулық сақтау ұйымы биылғы 11 наурызда жаңа коронавирустың пандемиясын жариялады. Соңғы мәліметтер бойынша, бүкіл әлемде осы кезге дейін 37,8 миллионан астам адам коронавирус жұқтырған, олардың 1 миллионнан астамы қайтыс болған. Ал Қазақстанда бұл індетті жұқтырғандар саны бүгін 108 901 адам болса, қайтыс болғандар қатары 1 768 адамға жетті.
