USD
МӘСКЕУ. 3 маусым. Бұдан төрт жарым жыл бұрын Кремль төріндегі «политбюрода» соғыс мәселесі талқыға түскенде, көпшілік Қазақстанның атын алдымен атаған. Бұл туралы «Генерал СВР» ақпарына сүйенген rast.kz хабарлайды.
Ресейдің Кремльге жақын порталы Владимир Путин Астанаға ресми сапармен келердің алдында осындай хабар жариялады.
«Дублёрдің Қазақстанға сапары қарсаңында Еуразия орталығындағы Ресей мен Қазақстанның одағы туралы авторлығы «Путинге» телінген мақала жарыққа шықты. Егер осыны Беларусь Республикасын Украинамен соғысқа тартудың қазіргі дамып келе жатқан үдерісімен қатар алып қарастырар болсақ, әлі күнге дейін саяси бюрода жүрген «қаршығалардың» 2022 жылдың басындағы әсерлі оқиғалары ойға оралады», – деп әңгіме өрбітеді телеграм-арна сарапшылары.
Бұдан әрі канал қаламгерлері сол уақытта Беларусь пен Қазақстанды Ресейге қоса салудың түкке тұрғысыз болып тұрғанын алға тартады.
«Сол кезде, іс жүзінде бұдан төрт жарым жыл бұрын, оқиға былайша қалып алған: Беларусь Республикасы шын мәнінде онсыз да аннексияланып қойылған болатын, ал Қазақстанда тұрған Ресей әскерлеріне бұл мемлекеттің солтүстік аумағын басып алу ешқандай қиындық туғызбайтын еді. Міне, тап сол күндері Николай Патрушев пен президентке жақын басқа да бірқатар тұлғалар Путинге Украинаға басып кірудің күмәнді жоспарынан бас тартып, әзірге Беларусь пен солтүстік Қазақстанды қосып алуды қанағат тұта тұруға кеңес береді. Алайда Путин бұл ұсынысты барынша қатқыл пішінде қайтарып тастайды, жеме-жемге келгенде ол сосын осылай бәрінен де ұтылған болып шықты», – деп баяндайды ахуалды ресурс.
Таблоидтың жазуынша, «қаршығалар» Украинамен соғыстың қазіргі жағдайында бірде-бір мақсатқа қол жетпегенін еске ала тұрып, бәрін Путиннің алысты болжай алатын көрегендігі жоқтығына жаба салады, ал соғыстың өзі стратегиялық жағынан тұйыққа тірелді, Ресей өте терең дағдарыста тұр, енді Лукашенканы көмек беруге көндіріп, ал Қазақстанға сұрғылт импорттан, стратегиялық әріптестік пен тағы біраз нәрседен жәрдем беруді сұрап, тағзым жасап баруға тура келеді.
«Осы екі ортада Армения мен Молдованы жоғалтып алуға, Әзербайжанмен жанжалдасып қалуға және Қытайға шектеусіз тәуелділікке ұрынуға ғана «ақылымыз жетті». Кеше «саяси бюро» шеңберінде Путин жайлы әңгімелегенде, оның тарапына қолданылған ең жылы сөз – «нақұрыс» болды», – деп ойды қорытады арна сарапшылары.
Суретте: Владимир Путин, Сергей Шойгу (жүзін беріп тұрғандар), Сергей Иванов, Николай Патрушев (теріс қарап тұрғандар). 2020 жыл.
