USD
БРЮССЕЛЬ. 8 қыркүйек. Еуропа Ресейге көмек беріп келе жатқаны үшін Қазақстанды жазаға тартыруға дайындалып жатқанға ұқсайды. Бұл туралы Bloomberg ақпарына сүйенген rast.kz хабарлайды.
Агенттік алдағы күндерде Астананың не күтіп тұрғанын анықтап, білді.
Еуропа одағы Мәскеуге санкцияларды айналып өтуге көмектескені үшін Қазақстанға соққы беруге дайын отыр. Ресейге тауарларды реэкспорттау Астана үшін ауқымды экономикалық дағдарыс қаупіне айналғалы тұр. Қазіргі таңда Еуроодақ Ресейге тыйым салынған өнімдерді қайта экспорттағаны үшін алғаш рет Қазақстанға қарсы санкциялар енгізу мүмкіндігін қарастыруда. Bloomberg агенттігінің хабарлауынша, жаңа шектеулер пакетіне Батыстың тыйымдарын айналып өтіп, ресейлік әскери-өнеркәсіп кешенін қамтамасыз ететін Қазақстан, Қытай және басқа елдердің компаниялары кіруі мүмкін.
Санкцияларды айналып өтіп, тауарды қайта сату бизнесін құрған Қазақстан зардап шегу қаупі бар. Егер шара қолданылса, ЕО кейін қару-жарақ өндіру үшін жаппай Ресейге жіберілетін техника мен құрал-жабдықтарды Қазақстанға беруге тыйым салады. Бұл Қазақстан экономикасына нағыз соққы болып тиеді.
Сарапшылар ел президенті Тоқаев өзінің халықаралық беделін жоғары бағалайтынын атап өтті. Алайда жоғарыдағы әрекетті тоқтатпаса, мұның президенттің жеке өзіне де ауыр соққы болып тиеді.
Қазір Еуропа лдағы Уашингтонмен бірге қайталама санкцияларды енгізу мәселесін талқылауда. АҚШ-тың Қаржы министрі Скотт Бессент «Ресейге қысымды күшейту керек» деп мәлімдеді. Бірақ бұл үшін Еуропаның қолдауы қажет. Осы аптада ЕО делегациясы қадамдарды үйлестіру үшін АҚШ-қа барады.
Bloomberg агенттігінің хабарлауынша, санкциялар тізіміне банктер мен мұнай компаниялары да кіруі мүмкін, химиялық заттар мен қосарлы мақсаттағы тауарлардың экспортын шектеу, Мәскеуге көмектескен қытайлық компанияларды жазалау мүмкін. Пакет Ресейдің «көлеңкелі флотының» кемелеріне қарсы шараларды толықтыруы және ресейлік мұнайды тасымалдайтын танкерлерді қайта сақтандыруға тыйым салуы мүмкін.
Батыстың санкциялары «таза ресейлік» шеңберінен шығып, Кремльдің одақтастарына әсер ете бастады. Қазақстанға қатысты шешім қабылданса, бұл соғыстан пайда табу және тыйымдарды айналып өту әрекеттері қай елге қарамастан жазаланатынын көрсетеді.
