USD
СТОКГОЛЬМ. 7 қазан. Швед академиясы 2021 жылғы Нобель сыйлығының әдебиет бойынша лауреатының есімін атады. Бұл туралы ВВС хабарлады.
Сыйлық танзаниялық жазушы Абдулразак Гурнаға берілетін болып шешілді.
Академияның анықтамасында оған сыйлықтың Африка құрлығындағы отаршылдықтың және континенттер арасындағы босқындардың зардаптарын ой елегінен өткізудегі ымырасыздығы мен барынша азап шеккені үшін берілгені айтылған.
Былайынша айтқанда, сыйлық тіпті де оның туындысына беріліп отырмаған сияқты.
Абдулразак Гурна 1948 жылы Танзанияның Занзибар аралында туған. Босқындық дегеннің не екенін жастайынан көрген. 1968 жылы Англияға ағылшын тілін үйрену деген желеумен келген. Содан біржола қалып қойған. Қазір Британияда тұрады, шығармаларын ағылшын тілінде, реализм стилінде жазады. Діні – мұсылман. Жазушының белгілі романдары қатарында «Жұмақ» (1994) және «Қашқындық» (2005) бар. Соңғы романы 2017 жылы «Тасқа айналған жүрек» деген атпен шықты.
Африка құрлығы жазушылары арасынан Нобель сыйлығын мұның алдында алған нигериялық Воле Шойнике болды. Ол бұдан 35 жыл бұрын, 1986 жылы лауреат атанып еді.
Ал бұл жолғы үміткерлердің сапында француздың әйел жазушылары Анни Эрно мен Мариз Конде болды. Олардан басқа, бәсекелестер шоғырын Антуа және Барбудада туған жазушы әйел Джамайка Кинкейд, кениялық жазушы-драматург Нгуги Ва Тхионго, тегі үнділік Британия жазушысы Салман Рушди (Мұхаммед пайғамбарды келекелеп өлең жазған ақын бір жағы), норвегиялықтар драматург Юн Фоссе, жазушылар Карл Уве мен Даг Сульстад, канадалықтар ақын әйел Энн Карсон мен жазушы әйел Маргарет Этвуд құрады.
Байқалып тұрғандай, бұл жолы үміткерлер тізбегінде әйел жазушылардың саны айтарлықтай көп болған.
Прозаиктардың арасынан сондай-ақ жапон жазушысы Харуки Мураками тағы да көрінді. Бірақ бұл жолы да сыйлық оған бұйырмады. Дегенмен, дәл осы Муракамидің деңгейінен табыла алатын жазушылар біздің қазақта да аз емес шынында.
