USD
МӘСКЕУ. 4 наурыз. Ресейдің ЛДПР партиясының лидері Владимир Жириновский Орталық Азия елдері Ресейдің бір бөлігі болуы керек деген ұсыныс жасады. Бұл туралы «Sputnik Өзбекстан» хабарлады.
Ол бұлардың бәрінің Ресейге республика емес, губерния мәртебесінде кіруі керек екенін айтты.
Жириновский «ТМД-дан гөрі күшті нәрсе» – КСРО-ның бұрынғы елдерінің толыққанды конфедерациясын құруға болатынына сенімді.
«Барлық мәселелерді шешудің, толық қауіпсіздікті және тамаша экономиканы қамтамасыз етудің ең жақсы тәсілі – бұрынғы 14 кеңестік республиканың барлығы Ресей құрамына провинция ретінде кіруі керек. Мысалы, Душанбе провинциясы, Бішкек, Ереван, Киев және тағы басқа провинциялар түрінде», – деді ол «Говорит Москва» радиостанциясының эфирінде.
Дегенмен, Жирик бұрынғы одақтас республикалардың Ресей құрамына кіруі керек деген авантюраны бірінші рет пайдаланып тұрған жоқ, ол бұған дейін осы мазмұнда талай рет әңгіме айтқан болатын.
Мұның алдында ол Арменияны Ресей Федерациясына қосуды ұсынған еді. Жириновскийдің айтуынша, бұл елді Түркиямен қақтығыстан тек осылай ғана сақтап қалуға болады.
