Жаңалықтар жаңғырығыТіршілік

Қарабақтан көшкендер үйлерін түгел өртеп жатыр

ЕРЕВАН. 21 қараша. Таулы Қарабақтағы мекенжайларын тастап шыққан армяндар барлығы дерлік қазір үйлерін өртеп кетуге кірісті. Бұл туралы Tert.am хабарлады.

Кеше армяндар Таулы Қарабақтың Әзербайжан қарауына өткен Мартакерт (әзербайжанша – Агдере) ауданындағы Нор Марага, Нор Айгестан, Нор Сейсулан, Нор Кармираван, Нор Акаджур, Овташен және Нор Джраберд кендтерінен ауа көшті. Бұл елді мекендерде хай халқыннан бірде-бір өкіл қалған жоқ.

«Ауылдардың тұрғындарына 17 қарашада жаңа билік өкілдері келіп, 19 қараша күні сағат 23:00-ге дейін толық көшіп кетуге тиіс екендерін мәлімдеген», – делінген хабарламада.

«Олар 90-шы жылдары да өз үйлерін осылай қалдырып кеткен, ал кеңес кезінде бұлардың қоныстары Таулы Қарабақ автономиялы облысына қараған. Қазіргі соғыстың нақты талабы мынадай: кеңес кезінде бұл жерлер Агдам ауданына қарағандықтан, аталған селолар босатылуы керек», – атап көрсетті омбудсмен Артак Бегларян.

Кетіп бара жатқан армяндар үйлерін жаппай өртеуде. «Жұртты түсінуге болады, 90-шы жылдары да олар өз үйлерінен кетуге мәжбүр болған, енді неге тағы солай етулері керек, соған ашынғандар осындай қадамдарға барып жатыр. Мұның дұрыс не бұрыс екенін білмеймін, бірақ біз бәріміз тап осыны істейміз», – деді бір әйел көзіне жас алып тұрып.

Бірақ үйлерін өртемей кетіп жатқандар да кездесіп қалады екен. «Біз жағдайдың қалайда өзгеретініне, кейін қайтып келіп, өз үйлерімізде тұратынымызға үміт артамыз», – деді солардың бірі.

Бегларянның айтуынша, Армения билігі көшіп барғандардың барлығына уақытша баспана ұсынады, содан кейін тұрақты жай берудің жағдайын қарастырады.

Тағы көрсету

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған

Ұқсас мақалалар

Back to top button