Америкалық қазақ қызы биологиялық анасын тапты

СЕМЕЙ. 29 мамыр. Әсия Бергер есімді америкалық қазақ қызы Қазақстанда тұратын биологиялық анасын тапты. Бұл туралы «Казахстанская правда» газеті хабарлады.

«Мен өзімнің биологиялық анаммен табыстым. Біз өте бақыттымыз! Көмек көрсеткендеріңіз үшін бәріңізге рахмет!», – деп жазды қыз Facebook-те.
Еске сала кетейік, бұдан бұрын Әсия Бергер Facebook-тегі Kazakh American Association тобында өзінің Қазақстанда тұратын биологиялық анасын іздеп, тауып алғысы келетінін жазған еді.

Оның өзінің айтуынша, шын аты Салтанат, ал әкесі мен шешесінің аты-жөндері Қуат және Құралай Ашқановтар екен. 2000 жылы туған, 2001 жылы Семейдегі балалар үйінен америкалық ата-анасы алып кетіпті.