USD
МӘСКЕУ. 2 қыркүйек. Башқұрттың «Ватан» батальонының командирі Украинадағы соғыста қарауындағыларды аяусыз азаптап өлтірген «ерлігі» үшін жаза алудан құтылып кетті. Бұл туралы The Moscow Times ақпарына сілтеме жасаған rast.kz хабарлайды.
Оңтүстік округтік әскери соты «Ватан» башқұрт батальонының «Самурай» атты шақыру белгісі бар бұрынғы командирі Рамиль Ульмасбаевқа (Өлмесбаевқа) қарсы қозғалған қылмыстық істі қарауды тоқтатты. Ол өзінің қарауындағы жауынгерлерді айрықша қатыгездікпен азаптап өлтіріп, адамдар ұрлауға қатысты деп айыпталған болатын. «Медиазонаға» белгілі болғандай, жауыздың жазадан босатылуына оның ұрыс даласындағы жауынгерлік әрекеттері үшін мемлекеттік марапат алғаны негізгі себеп болған. Ал оның серіктесі Ильнур Кутлуюлов (Құттыжолов), керісінше, қатаң режимдегі колонияға 10 жылға сотталды.
Іс материалдарына сәйкес, Ульмасбаев 2023 жылдың тамызында Луганск облысы Меловатка селосында өзінің батальонның басқа мүшесін өлтіргеніне куә болған үш солдаттың көзін жойған. Бөлімшеден қашып кеткен ер адам белорустың «Вот так» басылымына берген жауабында айтқанындай, «Самурай» алдымен өз құрбандарын тізелерін атып, содан кейін бастарынан белтемірмен ұрған, артынан сол сом темірдің ұшымен бейшаралардың әрбірінің іштерін жарып шыққан. Соңынан әлі тірі жатқан солдаттарды УАЗ көлігінің жүксалғышына тиеп алып, елсіз далаға әкеткен, сонда олардың үстеріне бензин құйып, өртеп жіберген.
«Толық жанып кетпегендеріне гранат лақтырған, содан соң олардың денелері бөлшектеніп кеткен. Бір тәуліктен кейін қайта оралып, марқұмдардың жапырақ-жапырақ болып бөлініп жатқан еттерін қайта өртеген», – деді куә паблик тілшісіне.
Кейін Рамиль Өлмесбаев өзі өлтіріп, өртеп жіберген боздақтарды «арнайы соғыс операциясының қаһармандары» ретінде қайта жерлеген. Мұның Ресейдің украин жеріндегі басқыншылық соғысы үшін өз башқұрттарына қарсы істеген жауыздығының көрінісі осындай болып тұр ғой!
2023 жылдың қазан айында Ульмасбаевтың ұсталғаны аян болды. 2024 жылдың тамызында Оңтүстік округтік әскери сотта процесс басталады. Алайда көп ұзамай «Ватан» командиріне қарсы іс тоқтатылып, өзі майдан даласына қайта жіберіледі. Ол сол жолы мемлекеттік наградаға қол жеткізеді. Ресей заңнамасына сәйкес, осы «жетістігі» оны «бірнеше адамды қатыгездікпен өлтірді» деген айыппен қылмыстық қудалаудан толық босатуға негіз болады.
Ал Кутлуюловқа қатысты ұрлау, азаптауға көмектесу, билікті асыра пайдалану және кісі өлтіру айыптары бойынша қозғалған қылмыстық іс жалғасын тауып, ол 10 жыд мерзімге жаза арқалап кетті.
Ресей «моралі» осындай!
