USD
АСТАНА. 12 тамыз. Премьер-министрдің бірінші орынбасары Нұрлыбек Нәлібаев Қытайдың Қазақстандағы елшісі Хань Чуньлиньді қабылдады. Бұл туралы Үкімет баспасөз қызметінің дерегіне сүйенген rast.kz хабарлайды.
Кездесу барысында өнеркәсіп, құрылыс, энергетика салаларындағы қазақ-қытай ынтымақтастығының қазіргі жай-күйі, бірлескен бастамаларды жүзеге асыру барысы, оларды одан әрі нығайтудың перспективалық бағыттары сөз етілді.
Нұрлыбек Нәлібаев Қазақстан мен Қытай арасындағы қарым-қатынастардың стратегиялық сипатын атап өтіп, екі ел арасындағы ынтымақтастықты одан әрі дамытуда зор әлеуетіне тоқталды.
Тауар айналымының көлемін жай ғана ұлғайтудан оның құрылымын сапалы өзгертуге көшудің маңыздылығы айтылды, терең өңделген өнімдердің, машина жасау, химия, фармацевтика, жеңіл өнеркәсіп өнімдерінің өзара саудасын кеңейту қажеттілігі қозғалды.
Өз кезегінде Хань Чуньлинь екі жақты қарым-қатынастардың даму қарқынына жоғары баға беріп, биыл жоғары деңгейде өткен сапарларды ерекше атады. Қытайдың өзара тиімді әріптестікті одан әрі дамытуға дайын екенін растады.
Кездесудің соңында тараптар екі жақты өзара ықпалдасудың өзекті мәселелері бойынша байланыстарды қолдауға келісті.
