USD
УАШИНГТОН. 6 наурыз. АҚШ президенті Дональд Трамп Иранмен жүргізілетін кез келген келіссөздің тек қана оның сөзсіз капитуляциясына алып баратынын айтты. Бұл туралы Dialog.ua ақпарына сүйенген rast.kz хабарлайды.
Америка лидері Дональд Трамп 6 наурыз күні Иран төңірегіндегі жанжалға қатысты қатқыл мәлімдеме жасады. Ол келіссөздің Тегеран толық тізе бүккеннен кейін ғана жүруі мүмкін екенін атап өтті.
Трамп өзінің мәлімдемесін Truth Social желісінде жариялады. Онда америкалық көшбасшы іс жүзінде Иранның алдына ультиматум қойған.
«Иранмен сөзсіз капитуляциядан бөлек ешқандай келісім болмайды», – деп жазды Ақ үйдің қожайыны.
Ол сондай-ақ Иранның жаңа билеушілері Уашингтонның келісімімен қойылуы керек екенін талап етті.
Трамптың талабына сәйкес, Ирандағы қазіргі режим шұғыл өзгеруі тиіс. Сол кезде Америка оның экономикасын қалпына келтіруге көмектесетін болады.
Ақпанның 28-і күні АҚШ пен Израиль Иранға қарсы ірі соғыс операциясын бастады. Уашинтондағылар оған «Дәуір қаһары» деген атау беріпті, ал Израиль тарапы оны «Айбатты арыстан» ретінде жариялап отыр. Екі елдің әскерлері Тегеранның ядролық нысандары мен зымыран инфрақұрылымдарына, сондай-ақ түйінді командалық орталықтарға жойқын жорық бастады.
Операцияның алғашқы сағаттарында Иранның жоғарғы көшбасшысы, аятолла Әли Хаменеи елдің бірнеше ондаған жоғары басшыларымен бірге өлтірілді, олардың арасында қорғаныс министрі, бас штаб бастығы және ислам революциясын қорғау корпусының қолбасшысы болды.
Иран бұған жауап ретінде Израиль территориясына, сондай-ақ АҚШ-тың Таяу Шығыстағы әскери базааларына дрондармен және зымырандармен шаппай шабуыл жасады. Соққылар сонымен қатар Саудияда мен Біріккен Араб Әмірлігіндегі мұнай инфрақұрылымдарына да берілді. Бұдан бөлек, Тегеран Ормуз шығанағының жабылғанын жариялады.
