USD
БЕЙЖІҢ. 4 қыркүйек. Шанхай ынтымақтастық ұйымының саммитіне қатысқан Щи мен Путин өмірді 150 жылға дейін ұзарту мүмкіндігі жайлы ойларын ортаға салды. Бұл туралы Dialog.ua ақпарына сүйенген rast.kz хабарлайды.
Қытай президенті Путинмен және Солтүстік Корея басшысы Ким Чен Ынмен оңаша сөйлескенде өмірді ұзарту мәселесін көтерді. Щи Жиңпиң қазіргі заманда 70 жастағы қарияның «әлі бала» екенін айтты.
Қытай төрағасы Ресей президенті Владимир Путинмен және Солтүстік Корея лидері Ким Чен Ынмен оңаша сөйлескенде өмірді ұзарту мәселесін көтерді. (Олар бұл мәселені Бейжіңдегі әскери парад басталар алдында Тяньаньмэнь алаңына барар жолда талқылады», деп атап өтті Bloomberg 3 қыркүйекте.
Әңгіме тікелей эфирге түсірілді. Видеоның басында Щидің қытай тілінде «осы күндер» және «70 жыл» деп айтқаны естіледі, одан кейін Путиннің аудармашысы орыс тілінде: «Адамдар бұрын 70 жасқа дейін сирек өмір сүретін, бірақ бүгін 70 жаста сен әлі баласың» дейді.
Содан кейін қытайлық аудармашы Щи Путиннің «Биотехнологияның дамуының арқасында адам ағзаларын үнемі трансплантациялауға болады, ал адамдар өзін жас және жасаң сезінеді, тіпті өлместікке қол жеткізе алады» деген сөзіне берген жауабын баяндайды. Бұған Щи Жиңпиң «болжамдарға сәйкес, осы ғасырда 150 жасқа дейін өмір сүруге мүмкіндік бар» деп атап өтті.
