USD
КИЕВ. 29 тамыз. Украина президенті Володимир Зеленський Ресей диктаторы Владимир Путиннің күні таусылып келе жатқанын мәлімдеді. Бұл туралы Dialog.ua ақпарына сүйенген rast.kz хабарлайды.
Украина лидері басқыншы жаудың басшысына күн санап тықыр таянып келе жатқанын айтты. Ол сонымен бірге Уашингтонның Кремльге қойған ультиматумының мерзімі алдағы дүйсенбіде аяқталатынын еске салды.
Зеленський 29 тамызда үлкен баспасөз мәслихатын өткізіп, соғыс туралы бірнеше маңызды мәлімдеме жасады. Атап айтқанда, АҚШ президенті Дональд Трамптың Кремльге қойған ультиматумын еске алды, оның мерзімі 1 қыркүйекте аяқталады..
«Соғыс осылай немесе басқаша аяқталады, ал (Ресей Федерациясының диктаторы – ред.) Путиннің барар жер, басар тауы жоқ», – деп атап өтті Украина басшысы.
Ол Украинаның одақтастары Мәскеуге екі жақты кездесуге дайын екенін көрсету мүмкіндігін беру үшін 1 қыркүйекке дейін күтуге келісті деп баса айтты.
Сонымен қатар, Зеленський Ресейдің Украинаға қарсы соғысында туындаған тығырықты атап өтті. Ол қазіргі уақытта екі тараптың мүмкіндіктері шектеулі және бұл қақтығыста әскери жеңіске жете алмай отырғанын түсіндірді.
«Біздің бәріміз Ресейдің бізді жаулап ала алмайтынын түсінеміз. Біз Украинаның бүгінде қарудың күшәмен өз территорияларын қалпына келтіре алмайтынын түсінеміз. Олардың да бұған күші жетпейді, біздің де күшіміз жетпейді», – деді Украина басшысы.
Оның айтуынша, сондықтан да қазір дипломатиялық жолмен мәселені мүмкіндігінше тез және барынша қантөгісті аз жасауға қолдау көрсету идеясы күшейіп келеді.
