USD
УАШИНГТОН. 30 шілде. АҚШ президенті Дональд Трамп РФ диктаторы Владимир Путинге Украина бойынша келісімге келу үшін берген 10 күндік мерзім 29 шілдеде басталғанын айтты. Бұл туралы DW ақпарына сүйенген rast.kz хабарлайды.
АҚШ президенті Дональд Трамп Ресей лидері Владимир Путинге Украина бойынша келісімге келу үшін берген 10 күндік мерзім 29 шілдеде басталғанын баяндады. Осылайша ол 8 тамызда аяқталуы керек. Ақ үй басшысы 29 шілде, сейсенбі күні Шотландияға бес күндік сапарынан кейін Уашингтонға қайтар жолда, Air Force One бортында журналистер алдында сөз сөйледі.
«10 күн – бүгіннен бастап», – деп келтірді Bloomberg Трамптың сөзін.
Бастапқыда 14 шілдеде америкалық көшбасшы 2 қыркүйекте аяқталуы тиіс 50 күндік мерзім жариялаған болатын.
«Біз тарифтер мен басқа да шаралар енгізбекпіз, оның Ресейге қаншалықты әсер ететінін білмеймін, өйткені ол (Путин. – ред.) соғысты жалғастырғысы келетін сияқты», – деді Трамп.
Трамп кеңесшілерінің айтуынша, бұл Ресейден шикізат, мысалы, мұнай сатып алатын елдерге әсер ететін қосалқы баждар туралы болуы мүмкін. «Бұл шара Қытай мен Үндістанға әсер етуі мүмкін», деп хабарлады dPA агенттігі.
Бір күн бұрын Трамп Шотландиядағы демалысында: «Мен бүгіннен бастап 10 немесе 12 күндік жаңа мерзім енгіземін. Күтуге негіз жоқ», – деген еді.
Киев Уашингтонның мәлімдемесін құптады. Украина президенті кеңсесінің басшысы Ондрий Эрмак Трампқа «нық ұстанымы мен айқын белгісі – күш арқылы бейбітшілік» үшін алғыс айтты. «Путин тек күшті ғана түсінеді – бұл анық және қатты айтылды. Бұл Украина президенті Володимир Зеленськийдің толық ортақ ұстанымы», – деп жазды Ермак Telegram-да.
Шілде айының ортасында 50 күндік мерзім туралы айта келіп, америкалық көшбасшы Украинада бейбіт келісім болмаған жағдайда Уашингтон Мәскеудің сауда серіктестеріне 100 пайыздық қайталама тарифтер енгізетінін көрсетті. «Мен сауданы көптеген мақсаттарда қолданамын, – деп қосты Трамп Ақ үйде НАТО бас хатшысы Марк Рюттемен кездесуінде. – Бұл соғыстарды тоқтату үшін керекті тамаша әдіс».
