USD
РИГА. 20 маусым. Латвия парламенті Ресей мен Беларусь азаматтарына латыш жерінен жылжымайтын мүлік сатып алуға тыйым салатын заң қабылдады. Бұл туралы DW ақпарына сүйенген rast.kz хабарлайды.
Латвия парламентінің депутаттары ұлттық қауіпсіздік мүдделеріне сілтеме жасай отырып, Ресей мен Беларусь азаматтарына елде жылжымайтын мүлік сатып алуға тыйым салуға дауыс берді.
«Латвия сеймі (ел парламенті – ред.) Ресей мен Беларусь азаматтарына елде жылжымайтын мүлік сатып алуға тыйым салатын «Ұлттық қауіпсіздікке қатер төндіретін мәмілелерді шектеу туралы» заңды қабылдады», деп жазды dpa 19 маусым, бейсенбі күні.
«Заң жеке тұлғаларға да, заңды тұлғаларға да қолданылады», деп түсіндіреді LSM басылымы.
Заңның кері күші жоқ, шектеулер заң қабылданғаннан кейінгі келісімдерге қолданылады. Ал Ресей мен Беларусь азаматтарының жеке меншіктерінде болып келген жылжымайтын мүліктер тыйым салуға жатпайды.
Бұдан бөлек, Ресей Федерациясынан немесе Беларусьтен келген сатып алушының тұрақты тұруға ықтиярхаты болса, бұл тыйым оның жалғыз үй сатып алуын қарсы қолданылмайды. Туыстарына мұраға қалған немесе сот үкімі бойынша мүлік деп танылған мүлікке де жеңілдік жасалады.
Сонымен бірге, үшінші оқылым алдында Латвияда босқын мәртебесін алған беларусь азаматтарына жылжымайтын мүлік сатып алуға мүмкіндік беретін түзету қабылданбады.
