USD
САНКТ-ПЕТЕРБУРГ. 21 мамыр. Петербург заң форумында Путиннің кеңесшісі шын мәнінде Кеңес Одағының әлі бар екенін айтты. Бұл туралы Dialog.ua ақпарына сүйенген rast.kz хабарлайды.
РФ диктаторы Владимир Путин ақылманының аузынан шыққан мәлімдемеге тіпті ресейліктер де мысқылдап күліп жатыр. Ол жиында «іс жүзінде Кеңес Одағы әлі тіршілік етіп жатқанын айта келіп, Украинадағы соғысты «мемлекеттің ішкі ісі» екенін атап өтті.
Президенттің ақылгөйі Антон Кобяков Кеңес Одағының ешқашан ыдырамағанын айтамын деп, билік тағы да Интернеттің күлкі-әжуасының мәнбесіне айналды.
Оның айтуынша, КСРО-ны жойып жіберудің заңды процедурасы бұзылған, демек, ол «заңдық тұрғыдан» әлі өмір сүріп келеді, ал Ресей мен Украинаның арасындағы соғыс «ішкі процесс болып табылады».
Дегенмен, Кремль қожайыны итаршысының бұл айтып отырғаны қарапайым сынның өзін көтере алмайтын қисыгсыз сөз екені бірден байқалып қалды. Егер КСРО «заңдық тұрғыда әлі таратылмаған» болса, Ресей Федерациясы тәуелсіз мемлекет ретінде жоқ болып шығады, онда оның билік органдары мен президенті де заңсыз болып саналады. Олай болса, «таратылмаған» Одақтың заңды басшысы Михаил Горбачев пе?
Мәскеу билеушісі өкілінің мына сандырағы сол бойда буырқанысты талқылауға түсіп, жұмсартып айтқанда, қатты таң қалдырды. Ресей шенеунігі іс жүзінде соңғы 30 жылдың шынайы шындығын ғана емес, жалпы халықаралық қалыптасқан тәртіпті мойындай қоймай тұр.
Сондықтан бұл «қаһарман» әлеуметтік желіде қатты мазаққа айналды. Желі қолданушылар қазір «Егер КСРО тіршілік етіп жатса, оның Орталық Комитетінің кезекті пленумы қашан өтеді?», «Онда Путин кім болады?», «Енді Кремльді КСРО мемлекеттік арбитражының сотына беруді ұсынамыз»» «Дурдомстан өзінің күшінде тұр», «Бұл жындыханадан қалай шығып кете аламыз?» деп жазып жатыр.
