USD
АСТАНА. 25 сәуір. Қазақстан Төтенше жағдайлар министрінің пулеметтен оқ атқанын оның орынбасары түсіндіріп берді. Бұл туралы неге kun.uz ақпарына сүйенген rast.kz хабарлайды.
Қазақстанның төтенше жағдайлар жөніндегі вице-министрі Рамиль Камалов ведомство басшысының джиптің үстінде кетіп бара жатып, пулеметтен оқ жаудырып тұрған видеоролигіне қатысты түсіндірме берді. Видео бұдан бұрын Төтенше жағдайлар министрлігінің ресми Instagram-аккаунтында жарияланған екен. Онда Шыңғыс Әріновтің «Айбат» бөлімшесі үшін сатып алынған қаруды тексеріп көріп жатқаны жазылған.
Министрдің қарумен түскен кадры Парламент Мәжілісінің дәлізінде журналистер сұрақтарына біраз тамызық болды. Онда мәтбұғат өкілдерін, әсіресе, Төтенше жағдайлар министрлігіне әскерилендірілген қарулы жасақтың қандай қажеттігі барлығы қызықтырды.
Осы сауалдарға жауап берген Камалов мұндай жаттығулардың өздері үшін қазіргі тұрақсыздық жағдайында қажет екенін және олардың жұртқа қауіп төндірмейтіндей елсіз жапан далала өткізілетінін баяндады. Ол осы орайда 2011 жылы өткен Жаңаөзен оқиғасы мен 2022 жылғы Қаңтар қырғынын еске алды. Мұндай кездерде құтқарушылардың көмегі көп керек болатыны белгілі. Күштік құрылымдар тарапынан тиісті қолдау болмай жатқан кезде мұндай жасақтар іске қосылып кетеді.
«Кейде біз төтенше жағдайлардың ошағына жетіп, тұрғындарға уақытылы жәрдем бере алмай қалып жатамыз. Ал өзімізде әскери дайындығы бар құрылымдар қатарда тұрса, біздің төтенше жағдайлар кезінде аса көп қиналмай өз тірлігімізді жасауымызға ықпал етеді», – деп атап өтті Рамиль Камалов.
