Неміс БАҚ-тары: АҚШ-Украина келіссөзі үшін қуануға әлі ерте (видео)

БЕРЛИН. 13 наурыз. Алмания бұқаралық ақпарат құралдары АҚШ пен Украина арасында өткен келіссөз нәтижесіне қуануға әлі ерте екенін жазып жатыр. Бұл туралы DW ақпарына сүйенген rast.kz хабарлайды.

Әзірге ерекше қуанышқа негіз жоқ – бұл Германия бұқаралық ақпарат құралдарының Жиддадағы АҚШ-Украина келіссөзі туралы білдірілген пікірлерге лейтмотиві.

Кездесу қорытындысында Киев атысты 30 күнге тоқтату жөніндегі ұсынысты қабыл алды, бірақ оған енді Ресейдің де келісім беруі керек.

АҚШ пен Украина делегацияларының Жиддадағы келіссөздерінің нәтижелері туралы алғашқы хабарламалар Алманияға кеш батқан кезде тарағанына қарамастан, неміс БАҚ-тары қол жеткізілген уағдаластықтар жайында тез арада түсінікдірме бере бастады. Бақылаушылар наурыздың 11-і, сейсенбі күні Сауд Арабиясында өткен кездесуден кейін Киевтің атысты 30 күнге тоқтатуға келіскенін оң бағалап отыр.

Сонымен қатар, басылымдарда ұстамдылық басым, өйткені олардың авторларының пікірінше, Ресей бұл бастаманы қабылдамауы мүмкін, ал атысты тоқтатуға ұмьылған АҚШ президенті Дональд Трамп қысымды Кремльге емес, Украина билігіне көрсетіп келеді. Парадокс!

Der Tagesspiegel: Көптеген сұрақтар жауапсыз қалды

Der Tagesspiegel газеті келіссөздер нәтижелеріне түсініктеме бере отырып, ең алдымен көптеген сұрақтардың әлі де жауапсыз қалғанына назар аударады. Сөйтіп, оларды тізіп береді: «Атысты тоқтату нақты қашан басталуы керек? Қандай дайындықтар қажет, оларды кім қадағалайды, кейін не болады? Бірақ ең бастысы: Ресей жалпы бұған қатыса ма? Өйткені, осы уақытқа дейін Мәскеу мұндай сценарийден үзілді-кесілді бас тартты».

Басылым 12 наурызда, сәрсенбі күні таңертең Кремльден ресми реакция болмағанын, ал бірқатар танымал ресейлік әскери блогерлер мен парламент депутаттарының атысты тоқтатуға қатысты қарсы пікірлер жазып жатқандарын атап өтті.

«Олардың көпшілігі соғыстың қызу жақтаушылары, сондықтан бұл ұсынысқа қатты таң қалып жатыр. Бұл түсінікті – олар Владимир Путиннің басқыншылық соғысының жалғасуын және Ресей билеушісінің өз алдына қойған мақсаттарына жетуін қалайды», – деп атап көрсетеді Der Tagesspiegel. Басылымның пікірінше, мұндай реакция «Ресейдің келіссөздерге ашық және адам өлімін тоқтатқысы келетіні туралы бірнеше рет айтқан сөздеріне сәйкес келмейді».

Handelsblatt: Ықтимал бітімге байланысты қуанудың қажеті жоқ

Handelsblatt іскерлік газетінің шолушысы Марейке Мюллер де ұстамдылық танытады. Оның шолуының «Ықтимал бітімге байланысты қуанудың қажеті жоқ» деген бастақырыбының өзі көп жайтты аңғартып тұр. «Украина өкілдері сейсенбі күні кешкісін АҚШ делегациясымен келіссөздер кезінде атысты 30 күнге тоқтатуды жариялауға дайын екенін мәлімдеген кезде, Ресей Украинаны тағы да жаппай ұшқышсыз ұшақтар мен зымырандардың соққыларына ұшыратты», деп жазады басылым.

Соған қарамастан, басылымның жазуынша, Украина Жиддадағы кездесуде айтарлықтай жетістіктерге жеткен. «АҚШ шабуылға ұшыраған елге әскери қолдауды тағы да арттырғысы келеді, сондай-ақ оған аса қажетті барлау мәліметтерін беруді жалғастырмақшы. Бұл екі нәрсенің де Украинаның қорғаныс қабілеті үшін үлкен маңызы бар, халықты Ресей шабуылдарынан қорғайды».

Ал Марейка Мюллердің пікірінше, ықтимал атысты тоқтату туралы қуануға әлі ерте. «Бітім Мәскеу келіссе ғана күшіне енеді. Бірақ қазіргі уақытта Кремль бұған мүлде дайын емес (…). Өткен аптада Ресей сыртқы істер министрлігінің ресми өкілі Мария Захарова өз елі үшін атысты уақытша тоқтатудың тиімді екенін және мұндай ұсыныспен келіспейтінін мәлімдеді», – деді ол. Қалай дегенде де, АҚШ президенті Дональд Трамп Киев билігін бейбітшілікті қаламағаны үшін енді айыптай алмайды, «Ресей президенті Владимир Путин қазір қысым қыспағында жүр», – дегенді қосты ол.

«Алайда, қазіргі уақытта атысты тоқтату Путиннің мүддесіне сай келмейді. Өйткені Ресейде ұрыс алаңында басым тұрмыз деген көзқарас басым. Ал әзірге АҚШ бұл сенімді әлсірету үшін ештеңе жасаған жоқ. Сондықтан Путин уақытты созуға тырысуы мүмкін. Мұны да әртүрлі нұсқалары бар», – деп есептейді Марейка Мюллер. Ол бұлар жайды: «Путин келісімнен толық бас тартып, Ресей үшін өте қолайлы шарттары бар келісім жобасы дайындалмайынша, өз әскерлерін соғысқа сала береді». Егер ол кездесуге барып жатса, «бұдан жақсы жағдайға тап боламын» деген үмітпен келіссөз процесін шексіз созады», – деп баяндады.

Егер атысты тоқтату туралы келісімге қол қойылса, «Ресей оны сақтауға қабілетті екенін дәлелдеуге мәжбүр болады», өйткені Кремль бұрын талай келісімді, әсіресе Украинаға қатысты түрлі ұйғарым мен уәделерді бұзған. «Сондықтан Киевтің қауіпсіздік кепілдігіне шақыруы орынды болып қала береді. Жиддадағы келіссөздер қорытындысы бойынша мәлімдемеде мұндай кепілдіктердің айтылмауы бұл мәселенің талқыланбағанын білдірмейді», – деп түйіндейді Handelsblatt.

RND: Трампқа керегі бейбітшілік қана емес

Redaktionsnetzwerk Deutschland (RND) тілшісі Стивен Гейер де бұған кекесінмен қарайды , сол себепті үміттене бергеннен гөрі сақ болуға ұмтылуға кеңес береді. «Сауд Арабиясының кешкі жаңалықтары бастапқыда жақсы хабар сияқты болып естілді – бәлкім, Украинадағы соғыстың үш жылынан кейін құлаққа тиген «атысты тоқтату» деген тіркес мұндағы бетбұрыс мезетіндей сезілді. Бір ғана алаңдататын нәрсе: оны бізге оншалықты маңызы жоқ адамдар жеткізді», – дейді RND авторы, оның ең ірі акционері SocialSPD (Democratic Party) медиахолдингі.

Гейер айтқандай, ұстамдылық пен тіпті сақтық әлі де қажет, өйткені «АҚШ пен Украина арасындағы бейбіт келіссөздер барынша байыпты түрде жүргізілуде, ал Кремль болса, Уашингтонның Киев жасайтын шегіністерді жариялайтын сәтін қуана күтіп отыр».

https://www.youtube.com/live/xu7h3h7fAV4?si=3wSs8wj288VEGMnX

«Бұл – жаман ырым», – деп жазады RND, келіссөзден кейін бірден Ресейдің жаппай шабуылына ұшыраған Украинаның енді АҚШ-тың атысты 30 күнге тоқтату туралы ұсынысын сақтауына тура келетінін ескере отырып. «Трамп келіссөзді атүсті режимде жүргізе салады, себебі ол бейбітшілікке қол жеткізуге мүдделі емес. Ол тек бұл жанжалдан тезірек шығып кетуді ғана қалайды, ол үшін бұдан былай бас қатырғысы келмейді. Трамп Украинаның шығысындағы соғыс бір рет Минск келісімімен бір рет тоқтатылды, Путин бұл уақытты тек күш-қуатын қайта жинап алу үшін пайдаланды деп естігісі келмейді», – деп еске алады Стивен Гейер.

Соңында ол мынадай қорытындыға келеді: «Путиннің үнемі айтып жүргені қазір айқын бола бастады: либералды Батыс ыдырай түсті, жасқаншақ болып алды, қазір құлдырау үстінде. ЕО мен НАТО-ның бірлігі жоғалды, халықтың ерік-жігері әлсіреді, ал әзірге Ресей таза әскери экономикамен айналысып жатқанда, Германия дағдарысты қарт аналардың зейнетақысына, жол ақысына және ауыл шаруашылығының дизельдік субсидияларына көбірек ақша бөлуге пайдаланбақшы болып отыр».

RND түсіндірмесінде айтылғандай, Украинаның Жиддадағы бағыныштылық әрекеттері оны Трампқа қайта жақындатты, сондықтан «мұнда оптимизмнің жақсы дозасының үлесі көп болатынына үміт артқаннан басқа ештеңе қалған жоқ». Гайердің айтуынша, ең үлкен жалғыз мәселе – Ресей жақтан мұндай жақсы дабылдардың бірдебірін күтуге болмайды: «Ол жақтан мұндайды күтудің өзі – күпірлік емес пе?».