Германияның болашақ канцлері Ақ үйдегілерге реніш білдірді
БЕРЛИН. 4 наурыз. Германияның болашақ канцлері Фридрих Мерц АҚШ басшыларының Зеленськийге жасап жүрген әрекеттерін «арандату» деп бағалады. Бұл туралы Dialog.ua ақпарына сүйенген rast.kz хабарлайды.
Алман елі үкіметінің кезекті басшысы Фридрих Мерц өзінде Ақ үйдегілердің, яғни президент Дональд Трамп пен вице-президент Джэй Ди Вэнстің Украина лидері Володимир Зеленськийді кемсітіп, қорлау мақсатында ұйымдастырып жүрген шоу-жанжалдарына қарсы реакция пайда болғанын атап өтті. «Бұл – арандату эскалациясы» деді ол.
Мерцтің пікірінше, Трамп пен Вэнстің Зеленськийдің Сопақ кабинеттегі сөздеріне байланысты шығарған жанжалдары – АҚШ-тың қазіргі билігінің жоспарлы стратегиясының элементі.
Германияның канцлері болады деп күтілетін белгілі неміс саясаткері Фридрих Мерц Украина президенті мен АҚШ президентнің арасындағы резонанс тудырған дауға қатысты пікір білдірді. Оның ойынша, жанжалға ұласқан бұл сөз таластыруды америкалық тарап әдейі тудыруы мүмкін еді.
«Зеленськийдің Сопақ кабинеттегі сөздеріне Трамп пен Вэнстің реакциясы аяқ астынан шығар салған қарсы жауап болған жоқ, оның арандатылған эскалация болғаны анық», – деді ол.
Мерц сонымен қатар Ақ үйдегі әңгіменің үні таң қалдырғанын айтты, себебі. Одан жасандылық пен театрландырылған дауыстың ырғағы анық білініп тұрды.
Саясаткер АҚШ билігінің мұндай риторикасы Дональд Трамптың басшылығындағы бүкіл жаңа әкімшіліктің жалпы мінез-құлық сипатын толық көрсететінін айтты.
Еске сала кетейік, 28 ақпанда Володимир Зеленський мен Дональд Трамптың Ақ үйдегі Сопақ кабинетте өткен кездесуі кезінде олардың арасында қатты дау туып кеткен еді, оған АҚШ вице-президенті Джэй Ди Вэнс те араласты.
