Трамп Пентагон басшысына телеарна жүргізушісін тағайындауды ұсынды
УАШИНГТОН. 13 қараша. АҚШ-тың жаңадан сайланған президенті Дональд Трамп қорғаныс министрі қызметіне Fox News арнасының жүргізушісі Пит Хегсеттің кандидатурасын ұсынды. Бұл туралы Reuters ақпарына сүйенген rast.kz хабарлайды.
«Пит қатал, ақылды және «Ең алдымен – Америка» принципіне жан-тәнімен сенетін адам. Пит басқарған кезде Американың жаулары да жым болады: біздің әскеріміз қайтадан керемет күшейеді және Америка ешқашан кері шегінбейді», – деді Трамп өз сөзінің орайында.
Ол өзінің шешіміне Хегсеттің «Біздің жауынгерлеріміз соғыста» кітабы әсер еткенін жасырмады. Сонымен бірге Хегсеттің кезінде «жауынгерлердің солшыл радикалдардық опасыздықтары паш етілетінін сөз арқауына айналдырды. «Біз армияға меритократияны қайта әкелуге тиіспіз», – деді ол.
Дегенмен, Пентагон басшылығы үшін Пит Хегсеттің таңдалып отырғаны Америка жұртшылығына «мүлде күтпеген тосынсый» болып шықты. Олай болатыны, ол ешқашан және дәл осы сәтке дейін Трамп командасының мүшесі болып көрмеген еді.
CNN телеарнасына сұхбат берушілердің дені бұл ретте Трамптың таңдауына қарсы келе алмайтындарын білдірді. Ал тележурналисті танитындар оның көркіне ақылы сай адам деп есептейтіндерін айтты.
Сонымен қатар, Трамп басқа үміткерлер сияқты Хегсетпен Мар-а-Лагодағы үйінде кездеспеді, бірақ онымен қашықтықтан сөйлесті, деп хабарлайды CNN сұхбаттасушылары. Жақында, дүйсенбіде, 11 қарашада тележүргізуші Пентагон басшысы лауазымына негізгі үміткер ретінде қарастырылмады. Сонымен қатар, Трамп өзінің бірінші президенттік мерзімінде Хегсетті Ардагерлер істері жөніндегі департаменттің басшысы етіп тағайындағысы келді, бірақ бұл ұсыныстан бас тартты.
Сонымен бірге Дональд Трамптың Мар-а-Лаго поместесінде өткен кездесуіне жиналған кандидаттар арасында Хегсеттің болмағаны, бірақ онымен телефон арқылы сөйлескені айтылып жатыр. Алайда соның алдында, 11 қараша күні ғана Питтің негізгі үміткерлер тізімінде болмағаны да сөз етілуде. Мұның бәрі Ақүйдің ендігі қожайынының оншалықты салиқалы адам емес екенін, барынша құбылмалы қайраткер екенін аңғартады.
